મારી ગુલાબવાડીમાં આવ્યો એક ભ્રમર.
કરતો ગુંજારને રખેને ફાવ્યો એક ભ્રમર.
ગીત મધુરાં ગાતો હોય એવી એની અદા,
ગુલાબપ્રેમી પુષ્પ પાસે દેખાયો એક ભ્રમર.
ચાલી ગૈ મધુમક્ષિકા ભ્રમરને ત્યાં નિહાળી,
સૌંદર્ય કુસુમનું જોતાં હરખાયો એક ભ્રમર.
રસ ચૂસે ધીમેધીમે રાખી સલામત પુષ્પને,
ગુલાબવાડીમાં જાણે કે પૂરાયો એક ભ્રમર.
સૌંદર્યને સંગીતનો કરી દીધો સમન્વય કેવો,
ગુલાબ રંગ પાસે શ્યામ લજાયો એક ભ્રમર.
- ચૈતન્ય જોષી. ' દીપક ' પોરબંદર.
