🙏🙏એક સુંદર મજાનું જંગલ હતું આ જંગલમાં એક સિંહ પરિવાર રહેતું હતું. તે દરરોજ નજીકમાં આવેલા એક ગામની પાદરે તળાવ પાસે પાણી પીવા આવતું. આ સિંહ પરિવાર ને જોઈને ત્યાં રહેતા ગામના કુતરાંઓ દરરોજ દુરથી ભસવા લાગતાં.
આ સિંહ પરિવાર રોજ વહેલી સવારે પાણી પીવા આવવાનો નિત્યક્રમ હતો ત્યારે બીજી બાજુ પેલા કુતરાઓ નો પણ ભસવાનો નિત્યક્રમ થઈ ગયો હતો.
એક દિવસ એક સિંહ બચ્ચું પેલા કુતરાઓ રોજ ભસતાં તો તેનાથી ગુસ્સે ભરાઈને મારવા માટે તૈયાર થયું ત્યારે
તેની માંએ રોકતા કહ્યું, બેટા આપણે એવું ના થાય તે ભલે ભસે તને કશું જ થાય છે? તને કોઈ નુકશાન થાય છે? આપણે તેને મારીને આપણું જ નુકશાન કરીએ છીએ.જે રોજ પાણી પીવા આવીએ છીએ, તે બંધ થાય.ગામના લોકો જાણે તો પછી તેઓ આપણે પાંજરે પુરવા અથવા મારવા માટે તરકીબો કરીને આપણે વિખુટા પાડી દે.
માટે બેટા તેને ભસવા દે તેની ભસવાની હેસિયત છે માટે તે ભસે છે. જ્યારે તારી હેસિયત કુતરાને મારવાની નહીં પણ હાથીને મારવાની છે.તુ ગજ કેસરી છે એ ના ભૂલ માટે તેને ભસવા દે.
સિંહ બચ્ચું અને બીજા પરિવારના સભ્યો પણ તેની માં ની વાત સમજી ગયા અને શાંતિથી જંગલ તરફ ચાલવા લાગ્યા.🦚🦚