ચાલને ફરીથી મળીએ એક કપ ચાને બહાને..
ચાની ચાહ ન હતી, બસ એકમેકની રાહ હતી..
થતા એક ચા માંથી બે ભાગ અને પ્રેમ છલકાતો..
ચાલને વર્ષોના અબોલાને ચાની વરાળ સાથે અદ્રશ્ય કરી દઈએ,
ચાલને જીવનભરની હતાશા અને ગુસ્સાને ચાની ચૂસકી સાથે ઉતારી દઈએ,
ચાલને એજ સાંજને ફરીથી જીવંત કરીએ,
ડૂબતા સૂર્ય સામે ફરીથી હાથમાં હાથ પરોવી એકમેકમાં ડૂબી જઈએ..
છીએ ભલેને આપણે જોજનો દૂર એકમેકથી પરંતુ,
ચાલને ફરીથી મળીએ એક કપ ચાને બહાને..
-નીલકંઠ
