અમે તો તારાં નાનાં બાળ,
અમારી તું લેજે સંભાળ …
અમે તો તારાં નાનાં બાળ,
અમારી તું લેજે સંભાળ …
ડગલે પગલે ભૂલો અમારી,
દે સદબુદ્ધિ ભૂલો વિસારી,
તુજ વિણ કોણ લેશે સંભાળ
અમે તો તારાં નાનાં બાળ,
દીનદુઃખિયાના દુઃખ હરવાને,
આપો બળ મને સહાય થવાને,
અમ પર પ્રેમ ઘણો વરસાવ …
અમે તો તારાં નાના બાળ
બાલ જીવન અમ વીતે હર્ષે,
ના દુનિયાની મલિનતા સ્પર્શે,
અમારું હસવું રહે ચિરકાળ …
અમે તો તારાં નાના બાળ
અમે તો તારાં નાનાં બાળ,
અમારી તું લેજે સંભાળ …
🙏
