|| ते म्हणाले ||
=========
ते म्हणाले,
बोलायला हवं
मन आपलं खोलायला हवं
मी म्हटलं,
कुणाकडे..?
या बहिऱ्यांच्या दुनियेत
ऐकण्यास वेळ कोणाकडे..??
ते म्हणाले,
ऐकायला हवं
त्याने शिकायला मिळतं नवं नवं
मी म्हटलं,
कोणाचं..?
या मुक्यांच्या मौनी दुनियेत
शब्दांचंच होतंय हसं..!!
ते म्हणाले,
मग हसायला हवं
निदान बघणाऱ्यास वाटतं बरं
मी म्हटलं,
कोणावर..?
इथं आपलंच प्रतिबिंब
दिसतंय आरशावर..!!
ते म्हणाले,
अरे मग आरसा तरी दाखव
उगाच काळास नको सोकव
मी म्हटलं,
कोणाला..??
निदान दिसायला तरी हवं ना
आंधळ्या माणसाला..!!
--सुनिल पवार...✍🏼
https://www.facebook.com/274730592665311/posts/1842279759243712/
