ક્યારેક એવું બને કે ઈચ્છાઓ પૂરી ના થાય, આત્મવિશ્વાસ ડગમગી જાય,
કોઈ સાથ ના હોય,
લાગે કે જાણે આ જગતમાં
તમારા અસ્તિત્વની કિંમત જ નથી.
તો શું થયું યાર?
આવું તો દરેક સાથે એકવાર તો બને જ,
ઈચ્છાઓ તો અધૂરી રહેવા જ જન્મ લે;
પૂરી થાય તો ઠીક નહીં તો હરિ-હરિ.
સમય ખરાબ આવે તો સાથ પડછાયો પણ છોડી દે.
સમય સારો હોય કે ખરાબ પસાર જરૂર થશે.
એક ઈચ્છા પૂરી ના થાય તો બીજી ઈચ્છા પેદા કર.
જીવનમાં સાચા મિત્રો અને પરિવારજનો તારી મૂડી છે, એને ક્યારેય ના ગુમાવીશ.
રડવાની ઈચ્છા થાય તો રડી લે, જોરથી ચીસો પાડી લે, અરે કોઈ જોડે ઝઘડી પણ કરી લે..
પણ દોસ્ત ક્યારેય આ જીવનનો અંત ના કરીશ.
જે થાય છે એ સારા માટે થાય છે એ ઉક્તિને મનમાં ધરીશ,
તો તું ફિનિક્સ પક્ષી બનીને રાખમાંથી અવશ્ય પાછો બેઠો થઈશ.
તારા પરિવારની આશાઓને તું ચરિતાર્થ કરીશ.
તું જીવીશ..જીવીશ..અને મોજથી જીવીશ.
-જતીન.આર.પટેલ (શિવાય)
#stopsucide #livehappy
