ભારતીય લગ્ન વ્યવસ્થાને સમર્પિત..
આમ તો પરિચય વિનાનો પરિણય હતો,
તોય એમાં ભળ્યો એકમેકનો પ્રણય હતો.
શરૂઆત ક્યારે થઈ ને કોણે કરી પહેલ.!?,
એ પ્રશ્ન જ એમના માટે સાવ ગૌણ હતો.
મુશ્કેલ પરિસ્થિતિમાં આધાર બની રહ્યા,
ને જવાબદારી તળે પણ ખીલ્યો સંગ હતો.
સંસાર રથનાં બે સમતળ પૈડાં બનીને,
સુખરૂપ આગળ વધાર્યો એમનો રથ હતો.
આમ તો માતા પિતાએ જોડેલો સંબંધ હતો,
તોય જોને કેવો એમાં પ્રેમનો અનુબંધ હતો.!
©શેફાલી શાહ
