આખરી સોપાન છે એ ધારણા ખોટી પડી,
ડગ પછી મુકામ છે એ ધારણા ખોટી પડી.
દોડ છે મારી તરસની દોસ્તો એ વાતની,
ઝાંઝવાને જાણ છે એ ધારણા ખોટી પડી.
એમના માટે રડ્યો છું રાતભર,ના કહી શકી !!
ભીંતને પણ કાન છે એ ધારણા ખોટી પડી.
રોજ જોઈને મને ઝૂકી જતી એની નજર,
પ્રેમનો પ્રસ્તાવ છે એ ધારણા ખોટી પડી.
ઉઠતાની વેંત એ સામે ઉભી'તી આજ થઈ,
કાલ તો બસ કાલ છે એ ધારણા ખોટી પડી.
લાગણીને માંડ તારી પાંચમું બેઠું હવે,
પણ હજી નાદાન છે એ ધારણા ખોટી પડી.
"ખૂબ સારો શેર છે ગોપાલ,વાહ કયા બાત હૈ"
આ ફકત એક દાદ છે એ ધારણા ખોટી પડી.
#THE_VILLAGE_BOY
