"श्री महात्रिपुरसुंदरी सुप्रभातम"
नतलोकेष्टदायिन्यै नित्यायै नित्य मङ्गलम् ।
सर्वमङ्गलयुक्तायै सत्यायै सर्व मङ्गलम् ॥
सर्वब्रह्माण्डसन्दोह जनन्यै जय मङ्गलम् ।
शङ्करार्चितपादायै शिवाण्यै शुभमङ्गलम् ॥
श्रीचक्रराजनिलयायै श्रीमात्रे जय मङ्गलम् ।
महात्रिपुरसुन्दर्यै शिवायै शुभमङ्गलम् ॥
॥ इति श्री शङ्करानन्दनाथ विरचितं
श्री महात्रिपुरसुन्दरी सुप्रभातम् समाप्तम् ॥ॐ॥
