तोहसे दूर नाहीं जाना
तोहरे दिल में ही बस जाना
चाहे मारे जग ताना
तोहरे बन के ही रह जाना
हमरी सगरो उमरिया तोहरे नाम सजना
हम त हईं तोहर तिरिया ये हमार सजना।
मन में बसवलीं तोहके आपन भगवान हो
छोड़ि देब तोहरे कारण ई दुनिया जहान हो
धक धक धड़के दिल सुनि के तोहरै नाम हो
तोहरी शरण के बिना कवन हमर धाम हो
कबले करबा तू गवनवा हमार सजना
हम त हईं तोहर तिरिया ये हमार सजना...
हमरी सगरो उमरिया तोहरे नाम सजना
हम त हईं तोहर तिरिया ये हमार सजना।
सखिया सहेलियन के मिललन सजनवाँ
बात करें जब ऊ त उठे ले अगनवाँ
दिल में हिलोर मारे जाने कइसन तूफनवाँ
तड़पि तड़पि मरै हमरो परनवाँ
आँसुवन के धार बहे तरसत नयना
हम त हईं तोहर तिरिया ये हमार सजना....
हमरी सगरो उमरिया तोहरे नाम सजना
हम त हईं तोहर तिरिया ये हमार सजना।
