*ઈચ્છા...* ( *વ્યથા એક દીકરીની* )
એક અહેસાસ, એક વિચાર તુજપર આવી અટકે છે !
ખોળવાને તુજને આ મન પછી ક્યાં ક્યાં નહિ ભટકે છે.
પ્રત્યક્ષ નથી, પણ જાણું છું, તું હંમેશા આસપાસ છે !
છતાં તારા ના હોવાની વાત અકારણજ આમ ખટકે છે.
ખુશ? હાં રહી લઉં છું ! ખુદને સમજાવી મનાવીને! પણ
એકલું લાગે ને, ' માં ' ત્યારે તને મળવાને દીલ તડપે છે.
એક વાત પૂછું, શું તને નહિ થતી ઈચ્છા મને મળવાની ?
જોને તારા ગયા પછી, તારો વિરહ મને કેવો વણશે છે.
કહેને ઈશને, આપે રજા બે દિવસ દીકરી જોડે રહેવાને !
આમ એકલી હું કેમ રહું, તારા વગર મને કોણ સમજે છે.
*મિલન લાડ. કિલ્લા પારડી. વલસાડ.*
