#ઉદય
ઉદય થયો ગોકુળ, વ્રજવાસી હું,
વત્સલ્યમૂર્તિ યશોદાનો નટખટ ખેલાડી હું..
બાબાને યમુનામાં ઉતારનાર,
ને બેભાન કરનાર કારાગાર એ પણ હું..
ગાયો ચરાવનાર, બંસી બજાવનાર હું,
માખણ ચોરી, રાધાના ચિત્ત ચોરનાર હું..
ગોપીઓના ચીર ચોરનાર,
ને કૃષ્ણાના ચીર પુરનાર પણ હું....
મિત્ર બની તાંદુલ ખાનાર,
સુદામાનો પરમ સખા પણ હું...
સર્જક હું વિનાશી હું,
રાધાના પ્રેમમાં શાશ્વત હું..
પાર્થને બાણ લેવડાવનાર હું,
ગીતા સંભળાવી કર્મનું જ્ઞાન આપનાર હું..
નરસિંહની હૂંડી સ્વીકારનાર હું,
ને એના મુખે સદાય રહેનાર હું..
ઝેરના પ્યલાને અમૃત કરનાર હું,
મીરાંને શરણે લઈ નૈયા પાર પડાવનાર હું..
કણકણમાં હું, અદ્રશ્ય હું,
હૃદયમાં હું, રહસ્ય હું..
હું જ સત્ય, હું જ તથ્ય,
સઘળું વિશ્વ શૂન્ય જેના વિના એ જ હું..
