Quotes by Ramakrishnan Anantha in Bitesapp read free

Ramakrishnan Anantha posted an update Tamil Poem

வண்ணங்களை நெய்த நெசவாளி

பொன்னிறக் குருவியே…
நெசவுக்காரக் குருவியே…
சின்னச் சிட்டுக் குருவியே!

உன் உடலெங்கும்
மஞ்சளும் பொன்னும் கலந்து,
உன் சிறகுகளிலே
கருப்பும் மரூனும் கலந்து,
எந்தத் தறியில் நெய்தான்
உன்னை இந்த இயற்கை நெசவாளி?

மஞ்சளையும் தங்கத்தையும்
கலந்து உன் உடலில் பூசியவன் யார்?

கருப்பு நிறத்தை
உன் சிறகுகளில் அள்ளித் தெளித்து,
அதற்கிடையே
மரூன் நிறத்தை
மெல்லப் பதித்தவன் யார்?

உன் கருமை நிறத் தலையும்,
அதன் பின்னால் தெரியும்
பழுப்பு நிறத் தழலும்,
உன் சிறகுகளில் ஓடும்
அந்த அழகிய கோடுகளும்…

அதற்கெல்லாம் மேலாக,
கருமை நிற முகத்திற்குள்
ஆரஞ்சு வளையம் சூழ்ந்த
அந்தக் கருப்பு மணிக் கண்கள்!

அடடா…
இத்தனை வண்ணங்களை
ஒரே உடலில் வைத்துக்கொண்டு
எப்படி இப்படி
அழகாக நின்றுகொண்டிருக்கிறாய்?

உன் சாம்பல் நிற அலகையும்
மறந்துவிட முடியுமா?

உன்னைப் பார்த்தபோது
எனக்குள் ஒரு சிறிய பொறாமை…

“இந்த வண்ணக் கலவையின்
ரகசிய முகவரி மட்டும்
எனக்குச் சொல்லிவிடு!”

என்ன வண்ணத் தறியில்
என்ன நூல்களைக் கொண்டு
உன்னை இப்படி நெய்தாய் என்று
அந்த இயற்கை நெசவாளியிடம்
கேட்டுச் சொல்லிவிடு செல்லமே!

மஞ்சளையும் பொன்னையும்,
கருப்பையும் மரூனையும்
இவ்வளவு அழகாகக் கலந்துவைத்த
அந்தக் கலைஞனின்
ரகசியம் மட்டும்
எனக்கும் கொஞ்சம் கற்றுக்கொடு!

உன்னைப் போலப் பறக்க முடியாவிட்டாலும்,
உன்னைப் போல
வண்ணங்களைச் சுமந்துகொண்டு
அழகாக வாழக் கற்றுக்கொள்கிறேன்,
என் பொன்னிறச் செல்லக் குருவியே!

37 Views

Ramakrishnan Anantha posted an update Tamil Poem

13 hour ago

வண்ணச் சிட்டு — Red Fody.

வர்ணம் தீட்டிய கலைஞன்.

சின்னக் குருவியே…
செல்லக் குருவியே…
சிங்காரச் சிட்டுக்குருவியே!
உன் உடலிலே
ஆரஞ்சு வண்ணம் தீட்டி,
உன் சிறகுகளிலே
மரூன் நிறத் தோகை விரித்து,
உன்னை இப்படியொரு
வண்ண ஓவியமாக்கிய
அந்தக் கலைஞன் யார்?
உன் செம்மை உடலுக்கு
மரூன் நிறச் சிறகுகளைச் சேர்த்து,
வானத்தின் வண்ணங்களையே
உன்னிடம் கடன் வாங்கி
ஓவியம் தீட்டினானோ?
உன் கருமை நிறக் கண்களில்
கருமணியைப் பதித்து,
அதன் நடுவே
ஒரு துளி ஒளியை வைத்தவன் யார்?
உன் சாம்பல் நிறச் சிறிய அலகும்,
அதன் ஓரங்களில் தெரியும்
அந்தக் கம்பீரமும் கூட
அவனுடைய தூரிகைத் தீட்டல்தானோ?
உன்னைப் பார்க்கப் பார்க்க
எனக்கே கொஞ்சம் பொறாமைதான்…
மேக்கப் என்று மனிதர்கள் சொல்லும்
அழகுக் கலையைவிட,
இயற்கையின் அழகுக் கலஞ்சியத்தில்
உனக்குக் கிடைத்திருப்பது
எவ்வளவு பெரிது!
என்னிடமும் கொஞ்சம்
அந்த வண்ணங்களைத் தந்து விடு செல்லமே…
உன்னைப் போலப் பறக்க முடியாவிட்டாலும்,
உன்னைப் போல
வண்ணமாய் வாழவாவது
நானும் ஆசைப்படுகிறேன்!

38 Views

Ramakrishnan Anantha posted an update Tamil Thought

4 day ago

மெல்லிய அலைகள் வெண்மணல் கரையைத் தொட்டுச் செல்லும் காட்சி மனதிற்கு மிகவும் அமைதியையும் மகிழ்ச்சியையும் தருகிறது.

அந்த நீலநிற கடலின் அழகு, படகுகள்... எப்பா என்ன ஒரு இயற்கையின் காட்சி...

குறிப்பு - நேற்று 29 செப்டெம்பர் 2026, மொரிஷியஷில் எடுத்தது...

26 Views

Ramakrishnan Anantha posted an update Tamil Thought

4 week ago

வானவில்லின் வண்ணங்களை அள்ளிய இறகுகள்,
சிங்கார நடையுடன் துள்ளி விளையாடும் மைனா!
உன் குரல் மது, உன் தோற்றம் அழகு,
ஊரைச் சுற்றும் உன் பயணம் ஒரு புது அனுபவம்!
சூரிய ஒளிப் பட்டுப் பளபளக்கும் உன் உடம்பு,
மஞ்சள் மூக்கில் ஊறும் இனிமையான பாட்டு!
மரக் கிளையில் அமர்ந்து தேடிடும் உன் பார்வை,
இயற்கையின் அற்புதம் இந்த அழகிய மைனா!
கண்ணைச் சுற்றியுள்ள மஞ்சள் மஸ்காரா,
மிடுக்கான நடையில் அழகிய மைனா!
வானத்தில் பறக்கும் உன்னைப் பார்க்க ஆசை,
எங்கள் வீட்டில் விருந்தினராக என்றும் வா!
Found this beauty today morning at my gym

146 Views

Ramakrishnan Anantha posted an update Tamil Thought

4 week ago

பறவைகளும் நானும் ஓரினம்

பச்சை வண்ணக் கிளியே... உனக்கு
செந்நிற மூக்கு எங்கிருந்து வந்தது?
பிரவுன் நிற மைனாவே... உன்
வண்ணச் சிறகுக்கு யார் வண்ணம் கொடுத்தது?
மஞ்சள் மூக்கும், கண் மஸ்காராவும்
உனக்கு யார் போட்டது?
காகமே... நீ கருப்புதான்,
இருந்தாலும் நீ அழகுதான்!
கரியநிறக் காகமே, உன்னைப் பார்க்கையில்
உன் நிறத்தைக் கடனா தருவாயோ?
என் கூந்தலுக்கு நான் கருமை சேர்த்துக்கொள்வேன்!
குயிலே, குயிலே... பாடும் அழகுக் குயிலே,
உன் குரலைக் கொஞ்சம் தருகிறாயா?
கிளிப் பேச்சு கேட்கும் மனிதர்,
இன்னொரு மனிதன் பேச்சுக்குக் காது கொடுப்பதில்லை!
சிங்கார சிட்டுக்குருவியே...
உன்னைப் பார்க்கையில் தோன்றும் ஆசையிது,
நானும் நீங்களும் ஓரினம்தானே...
சில காலம் உங்கள் சிறகுகளைக் கடனா தருவீர்களா?
உங்களைப் போல ஆனந்தமாய்ச் சிறகடித்து,
உயர உயரப் பறக்க எனக்கும் ஆசை!
உற்சாகமாய் இந்த ஊரையே ஒரு சுற்று
சுற்றி வர எனக்கும் ஆசை!

139 Views

Quotes by Ramakrishnan Anantha in Bitesapp read free

Ramakrishnan Anantha

Ramakrishnan Anantha posted an update Tamil Poem

Ramakrishnan Anantha posted an update Tamil Poem

Ramakrishnan Anantha posted an update Tamil Thought

Ramakrishnan Anantha posted an update Tamil Thought

Ramakrishnan Anantha posted an update Tamil Thought

Follow Us On:

Download Our App :