The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
...." લગ્ન જીવન " લગ્ન જીવનનું બીજું નામ વિશ્વાસ છે. પતિ-પત્ની તો એકબીજાનાં શ્વાસ છે. બંધાયાં જ્યારથી અમે ગઠબંધનમાં, એકબીજા માટે બની ગયાં ખાસ છે. હાથ પર હાથ મૂકી થયો હસ્તમેળાપ, મરણ પર્યંત હવે નિભાવવાનો સાથ છે. સપ્તપદીનાં સાત ફેરાનાં સાત વચનો, સાત જન્મ સુધીનો કદમોનો પ્રાસ છે. બે તન પછી બન્યાં એક આત્મા "વ્યોમ", લગ્ન જીવનમાં સદા ફેલાયો ઉલ્લાસ છે. નામ:-✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
...." વીર જવાન " વતન પ્રત્યે વીર જવાનોનો દેખ્યો અજબ પ્યાર છે. તન, મન, ધન ને પ્રાણ આપવા, સદા રહે તૈયાર છે. ટાઢ, તડકો, વરસાદ કે, ભલેને આવે આંધી તોફાન, અડગ મનથી, ઊભા પગે, કાયમ રહ્યાં ટટ્ટાર છે. દેશનો હર એક નાગરિક, રહે બેફિકર ને નિશ્ચિંત, માટે સામી છાતીએ દુશ્મનના ઝીલે હર પ્રહાર છે. પીઠ બતાવી ભાગવું એ તો એમનાં લોહીમાં જ નથી, જો મળે માભોમ કાજે શહાદત તો પણ સ્વીકાર છે. ગણવેશને સમજે છે ત્વચા, હાથપગને હથિયાર છે. ને, તિરંગો તો "વ્યોમ" એમનો, ગર્વીલો શણગાર છે. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
...." પહેલી મુલાકાત " પહેલા જ દિવસની એ મુલાકાત પહેલી હતી. પ્રથમ બાંકડે બેઠેલી, એ ને એની સહેલી હતી. હતો ઘોરણ નવમાં ને મૂછનો દોરોય નો 'તો ફૂટ્યો, પહેલી નજરની મહોબ્બત થઈ જ વહેલી હતી. એના ચહેરાના હાવભાવ અને જોવાની અદાથી, પ્રેમની સહમતી એની આંખોમાં જ ઉકેલી હતી. એણે કાંઈ કહ્યું નહોતું, તો મેંય ક્યાં કશુ ક્હ્યું 'તું, છતાં સમજી જતો એ વાત, જે ના કહેલી હતી. આજ દાયકાઓ બાદ જો થયાં આમને સામને, તો, હતા હોઠ ચૂપ, 'વ્યોમ' ધડકન થામેલી હતી. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" બાળપણના દિવસ " કપડાં હતાં મેલાં, પણ મનનાં હતાં ચોખાં. બાળપણના દિવસો, પણ ખૂબ હતાં નોખાં. નાત-જાત કે ધર્મ, કોઈનાં કદી ના પૂછતાં, હૃદયથી બંધાયેલ એ સબંધ હતાં અનોખાં. ખખડધજ સાઈકલ ને ડબલ સવારી, તો ફેરવતાં હતાં જૂનાં જૂનાં ટાયરોનાં જોટા. રમત રમતાં લખોટી, ગિલ્લી - દંડા ને તાસ, પડમાં મૂકતાં અવનવાં માચીસોનાં ખોખાં. બિસ્કિટનાં ટુકડા કરતાં, કહેતાં છે સરખા, મિત્રને મિત્ર "વ્યોમ", ન આપતાં કદી ધોખા. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
......" તાળું મારી દીધું " જે સમય મુખ પર જ તાળું મારી દીધું; એ કહો દુઃખ પર જ તાળું મારી દીધું; દુઃખ પુરાણાં યાદ કરતાં રહ્યાં સદા, મેં જ તો સુખ પર જ તાળું મારી દીધું; મા પ્રસવ પીડા સહીને પથ્થર જણે, તો મા એ કૂખ પર જ તાળું મારી દીધું; બાળપણમાં જ જેનાં માથે આવી ફરજ, બાળકે ભુખ પર જ તાળું મારી દીધું; દિલ જે નામે ધબકવાનું જ ચૂકી જતું, "વ્યોમ" એ ચૂક પર જ તાળું મારી દીધું; ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
જિંદગીનો સાર છે, આ 'મા' શબ્દમાં. પૂરેપૂરો સંસાર છે, આ 'મા' શબ્દમાં. ત્યાગ, સમર્પણ, મમતા અને ઘણું બધું, અદ્ભૂત શણગાર છે, આ 'મા' શબ્દમાં. સુખ હોય કે દુઃખ હોય રહે સદા સંગાથે, હર સ્થિતિ સ્વિકાર છે, આ 'મા' શબ્દમાં. અવતરણ થયું મનુષ્ય તરીકે જરૂર "વ્યોમ" પણ વસે પરવરદિગાર છે, આ 'મા' શબ્દમાં.
" ઘાયલ કરી ગયાં " એમનાં નયનોનાં કામણ, ઘાયલ કરી ગયાં; એમનાં સ્મિતનાં જામણ, ઘાયલ કરી ગયાં; અદા પાંપણ ઝુકાવવાની, કંઈ કમ ન 'તી ત્યાં, આંજી આંખોમાં આંજણ, ઘાયલ કરી ગયાં; ઉંબરે થયો હતો મનમેળ, આંખોથી આંખોનો, એ આવી અમારે આંગણ, ઘાયલ કરી ગયાં; પ્રેમ તણાં પુષ્પો, ખીલ્યાં હતાં અમારા મનમાં, હૃદયનું ખીલવીને પ્રાંગણ, ઘાયલ કરી ગયાં; ના હતું મિલન એ, "વ્યોમ" ને ધરતી સરીખું, કરી યુગો યુગોનું બાંધણ, ઘાયલ કરી ગયાં; નામ ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" મર્જ એ ઇશ્ક " ના હવા કામ આવી, ના દુવા કામ આવી. મર્જ છે ઇશ્કનું આ, ના દવા કામ આવી. તાર પણ આ હૃદયનાં, છેડયાં કંઇક એવાં, વાંસળી કામ આવી ના વિણા કામ આવી. કોઇનાં પણ હૃદયમાં જો વસી ગ્યાં પછી તો, એમના દિલ વિના કો' ના જગા કામ આવી. લાગયો છે બદલવા પ્રેમ પણ જિંદગીનો, પાનખર કે વસંતની, ના મજા કામ આવી. "વ્યોમ" એક ઝાંઝવું મેં દોરયું શુષ્ક રણમાં, દેખતાં એમ રહ્યાં, ના તૃષ્ણા કામ આવી. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" ડુબ્યો ભોગવિલાસમાં " જીવનભર ડુબ્યો રહ્યો ભોગવિલાસમાં. ને જીવતો રહ્યો છે હમેશાં આભાસમાં. ભૌતિક સર સામાનને સમજીને એ સુખ, હદથી પણ વધારે ભરતો રહ્યો આવાસમાં. અતિ ભોગવિલાસમાં રાજાના રાજ ગયાં, પાછું વળી જોઈલો એકવાર ઈતિહાસમાં. પાશ્ચાત્ય સંસ્કૃતિની દેખાદેખીમાં "વ્યોમ" ભીંસાતો જાય છે વ્યસનનાં નાગપાશમાં. નામ:-✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" સારું નથી " અંદર ને અંદર ઘૂંટાવું, એ સારું નથી. ખુદનું ખુદથી જ લડવું, એ સારું નથી. હળવું થઈ જવાય જો એ સારવાથી, તો હર આંસુને રોકવું, એ સારું નથી. ખંતથી ખેડતાં રહો જીવનની સફરને, કોઇને પણ કાંઈ પૂંછવું, એ સારું નથી. પદ, મોભાની હવામાં ઊડતાં ચેત, હદથી વધારે ઉડવું, એ સારું નથી. દુખ દર્દનું શું? એ તો આવે "વ્યોમ" વારેઘડી રોદણું રડવું, એ સારું નથી. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
