The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
" सुकून की तलाश " कितने साल बीत गये ए दोस्तों, हमारी बात नहीं हो रही। जब सजती थी हमारी भी महफिलें वो रात नहीं हो रही। आज फिर से बचपन जीने की हो रही है तमन्ना दिल में, पर क्या करें दोस्तों? आप से ही मुलाकात नहीं हो रही। खो गइ कागज़ की कश्ती, थम गया अब बारिश का पानी, जो भीगा सके इकठ्ठा हमें ऐसी अब बरसात नहीं हो रही। कहा था सबने कि जुदा होकर भी मिलेंगे हर मोड़ पर, मगर मिल सके एक दुसरे से वो इनायत नहीं हो रही। कमा तो रहे हैं हम सब यहाँ शौहरत और पैसा, ए दोस्त, मगर जो सुकून दे जाए दिलको वो खैरात नहीं हो रही। मोबाइल की स्क्रीन पर अक्सर मिलने लगें हैं हम सब, मगर गले लगकर जो हंस लें, वो कायनात नहीं हो रही। चाय की वो टपरी आज भी हमारा इंतज़ार करती है, मगर जहाँ ठहाके गूंजते थे, वो शुरुआत नहीं हो रही। "व्योम" तन्हाई में अक्सर गुज़रने लगी हैं अब तो रातें, जो सुबह सुकून देती थी, अब वो सौगात नहीं हो रही। ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" સ્મૃતિ આંખો મહીં " યાદો હૃદયથી ગઈ નથી, આંસુ જાય છે વહી. સાચવી રાખી છે સ્મૃતિ તારી, આ આંખો મહીં. લોકો પૂછે છે આ આંસુ વહેવાનું કારણ મને, નથી નબળાઈ પ્રેમની, એ તો છે વફાની સહી. રાત આખી જાગી બસ એ જ વિચારું છું હવે, કે, સાથ છોડતાં પહેલાં, તેં વાત પણ ના કહી? શ્વાસ ચાલે છે ફક્ત ને વહેમ છે કે જીવિત છું, જીવ તું લઈ ગઈ હવે આ દેહમાં કંઈ છે નહીં. રાહ જોતાં આંખો પણ થઈ ગઈ પથ્થર હવે, પાછા ફરવાની કશી યે આશ પણ નથી રહી. આગમાં વિરહની, રોજ અમે તો બળતાં રહ્યાં, રોમેરોમ બળ્યાં "વ્યોમ" બસ રાખ વધી અહીં. ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" એક બાપને પૂછો " અધૂરાં સપનાંની વેદના, એક બાપને પૂછો, સંતાનો પ્રત્યેની સંવેદના, એક બાપને પૂછો. બે જોડી કપડાં ને પગમાં ફાટેલાં પગરખાં, ઘટતી રોજ નવી ઘટના, એક બાપને પૂછો. પોતાની ભૂખ છુપાવીને આખું ઘર જે પોષે, ત્યાગની એ મૂક પ્રાર્થના, એક બાપને પૂછો. કાળજા કેરો કટકો પણ જે દાનમાં આપી દે, વિદાય વેળાની એ સાધના, એક બાપને પૂછો. ઉંમર વટાવીને પણ જે અડીખમ ઊભો રહ્યો, એ થાકેલા હૃદયની ઝંખના, એક બાપને પૂછો. ખાલી ખીસ્સે રાખે જગ જીતાડવાની તાકાત, "વ્યોમ" એ અમીર ભાવના, એક બાપને પૂછો. ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" તું જ આધાર છે " મારા હર શ્વાસનો તું જ આધાર છે, આ જીવન તો તારા વિના બેકાર છે. બંધ આંખે સજાવ્યાં મેં જે સપનાંઓ, એ સપનાંનો તું જ સાચો આકાર છે. નથી જોઈતી આ દુનિયાની દોલત મને, મારા માટે ખરી દોલત તારો પ્યાર છે. ડર નથી આ ભવસાગરનાં મોજાંઓનો, ભલે નૈયા મારી આજે મઝધાર છે. સાથે તું છે તો હસતાં જીવે છે 'વ્યોમ', બાકી, તારા વિના સૂનો સંસાર છે. ✍...© વિનોદ. મો. સોલંકી "વ્યોમ" *જેટકો (જીઈબી), મુ. રાપર
આ તે કેવો સમાજ? ચહેરા ઉપર મહોરાં લગાવે છે અહીં લોકો. ઘાવ પર કાયમ મીઠું ભભરાવે છે અહીં લોકો. રંકના આંસુ લૂછવા નથી સમય કોઈની પાસે, ને અમીર માટે જાજમ પથરાવે છે અહીં લોકો. મોબાઈલની સ્ક્રીન પર સંબંધ બન્યા ખૂબ ગાઢ, ને ખરા સંબંધોને કાયમ ભૂલાવે છે અહીં લોકો. દીકરીને દેવી કહીને પૂજતા આ સમાજમાં જ, ગર્ભમાં શિશુપરીક્ષણ કેમ કરાવે છે અહીં લોકો? સદા સત્ય બોલનારને અહીં, ગણાય છે પાગલ , અને જૂઠાઓને પાઘડી પહેરાવે છે અહીં લોકો. પૈસા પાછળ આખી જિંદગી દોડતા રહે છે બધાં, અંતે બધું સ્મશાનની રાખમાં ખપાવે છે અહીં લોકો. જોઈને સમાજનો આ બદલાતો રંગ ઓ 'વ્યોમ', જીવતા માણસને જીવતેજીવ રડાવે છે અહીં લોકો. ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" બાપનો છાંયો " સુખ-દુઃખના હર વળાંક પર સહારો છે બાપનો છાંયો, જિંદગીનો સૌથી ચમકતો સિતારો છે બાપનો છાંયો. જીવનના સાગરમાં કાયમ ઉઠતાં તૂફાનોની સામે પણ, હમેશાં અડગ ને અડીખમ કિનારો છે બાપનો છાંયો. ખુદ તો સહન કરતા રહે છે જીવનભર તાપ ને તડકો, અંતરને ટાઢક આપતો એક ઉતારો છે બાપનો છાંયો. જો વિખેરાઈ જાય આમતેમ કદીક જીવની ખુશીઓ, થામી ને હાથ બનતો સદાય સથવારો છે બાપનો છાંયો. નથી માંગતો 'વ્યોમ' ખુદા પાસે કોઈ બીજી જન્નત, સૌથી પવિત્ર ને અણમોલ નજારો છે બાપનો છાંયો. ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" જાગો, પ્રકૃતિ કરે પોકાર " ધરતી લીલીછમ રાખવા, આજે સંકલ્પ એક કરીએ, આવનારી પેઢીને કાજે, ચાલો પર્યાવરણને વરીએ. કાપીને ઊંચા જંગલો, ઊભી કરી સિમેન્ટની દીવાલો, પીંખાયા પક્ષીઓના માળા, હવે તો જરા સંભાળો! પાણી નદીઓનાં કર્યા અશુદ્ધ ને વાતાવરણને પ્રદૂષિત, પ્લાસ્ટિકનો વપરાશ તજી, સૃષ્ટિ કરો પાવન-સુશોભિત. એક વૃક્ષ તમે વાવજો આજે, એક વૃક્ષ હું પણ વાવું, જતન કરી એનું ધરતી માના શણગારને સુંદર બનાવું. હજી સમય છે જાગવાનો, ના વહોરીએ કુદરતનો પ્રકોપ, પર્યાવરણ બચાવી વ્યોમ", સૃષ્ટિને આપીયેં નવો ઓપ. ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" સારું નથી " લાગણીહીન આ જગમાં, લાગણીશીલ રહેવું સારું નથી. દર્દ દિલનું બસ દિલમાં જ રાખવું, સૌને કહેવું સારું નથી. ધારણ કરો સહનશક્તિને તમારી તાકાત તરીકે મિત્રો, હર વખત હર જુલ્મ આ રીતે, મૂંગા સહેવું સારું નથી. જ્યાં ન જળવાય માનપાન , ત્યાં જ અટકી જાવું ભલું, સંબંધ હોય કે દોસ્તી, બહુ ભાવનામાં વહેવું સારું નથી. સમજુ સમજી જાય છે બસ, આંખના એક જ ઈશારે, મૂર્ખની આગળ વારંવાર, ભાગવતનું રટવું સારું નથી. છે કપરાં ચઢાણ જિંદગીના, હિંમત હારવી યોગ્ય નથી, ઊંચાઈ જોઈ "વ્યોમ", ડરીને પાછા હટવું સારું નથી. ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" પ્યાર કલ્પનાથી પાર " ના પૂછીશ મને કે, કેટલો મને પ્યાર છે? મારી ચાહત તો તારી કલ્પનાથી પાર છે. હશે તારા માટે હર સબંધ તારી દુનિયા, મારા માટે તો બસ તું જ પૂરો સંસાર છે. રહે તું પાસે કે પછી, રહે તું મારાથી દૂર, હર ક્ષણ આ હૃદયને, તારો ઇંતેજાર છે. શ્વાસે શ્વાસમાં ભરી બસ ખુશ્બુ તારી, હોઠો પર ફક્ત તારા નામનો ઉચ્ચાર છે. ખ્વાબ ને ખ્યાલોમાં બસ તું ને તું જ છે, જીવનના નજારે "વ્યોમ" તારા દિદાર છે. ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
" ખરેખર ? " નજરથી નજર મળતાં આંખો થઈ 'તી ચાર, ખરેખર! પહેલી નજરનું તીર થયું' તું દિલની આરપાર, ખરેખર! ના લાગતી ભૂખ તરસ, બસ મન રહેતું કાયમ ગુમસૂમ, સતત એના વિચારોમાં જ દિલ રહેતું બેકરાર, ખરેખર! બસ, એક ઝલક એની દેખવા રહેતો આકુલવ્યાકુલ, વળતી દિલને ટાઢક જ્યારે થતાં એનાં દિદાર, ખરેખર! એ પગપાળા ચાલતી આગળ, સાઈકલથી હું પાછળ, પૈડાં ઘસાઈ ગયાં હતાં સાઈકલના દસ બાર, ખરેખર! આજ તો હું જરૂર કહી દઈશ, મારા દિલની વાત એને, ચૂપ થઈ જતો એની સામે, ના થતો એકરાર, ખરેખર! કિશોરાવસ્થાની એ નાદાનિયત પણ ખુબ યાદ આવે છે, "વ્યોમ" એ હતું બસ આકર્ષણ, નહીં કે પ્યાર, ખરેખર???? ✍...© વિનોદ. મો. સોલંકી "વ્યોમ" જેટકો (જીઈબી), મુ. રાપર
Copyright © 2026, Matrubharti Technologies Pvt. Ltd. All Rights Reserved | Powered by Nichetech.
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
