The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
....." કર્મ પાછાંય આવે " ઘણા હોય એવા જે આડાય આવે. જીવનની સડક પર ખાડાય આવે. જો રાખશો શોખ ફોરમનો તમે, તો ફૂલોને ચૂંટતાં હાથમાં કાંટાય આવે. મુસીબત ભરી છે જિંદગીની ડગર, નવાં હર એક મોડ પર ફાંટાય આવે. કર્મના સિધ્ધાંતને અનુસરતાં રહેવું, કારણ, કર્યાં કર્મ કદી પાછાંય આવે. ધૈર્ય ધરવી સારી છે "વ્યોમ", પણ ક્યારેક ધૈર્યના ફળ ખાટાંય આવે. નામ:-✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
..... " હિસાબ નથી રાખતો " હિસાબ નથી રાખતો કેટલું મેળવ્યું ને કેટલું ખોયું છે; બસ બાવળ ના ઊગે, જ્યાં આંબાનું બીજ બોયું છે; સમજદાર છો કહી સમજવાતાં રહ્યાં, પણ કેમ કહું કે- ક્યારેક હૈયું બાળીને, તો ક્યારેક મન મારીને જોયું છે; ખબર છે કે નથી જ મળવાનાં એ કદી પણ જીવનમાં, છતાં પણ હર વખત મન, એમના પર જ તો મોહ્યું છે; હસતાં હસતાં પણ છૂપાવતાં રહ્યાં અમે દર્દો હૃદયનાં, શું કહું તમને? કે આ દિલ એકલું - એકલું કેટલું રોયું છે; પાસાં પણ ફેંકેલાં પડે છે, હર વખતે ઊલટાં જ "વ્યોમ" ઓ વિધાતા, હવે જગાડ એને, નસીબ જે મારું સોયું છે; ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
સૃષ્ટિનું સર્જન છે નારી. દેવ દેવીનું દર્શન છે નારી. અબળા ન કહેશો કોઈ, જગતનું દર્પણ છે નારી. નથી એ પગના પગરખાં, કપાળનું અર્ચન છે નારી. છે સુંદર, નથી શૃંગારરસ, ભજન ને કીર્તન છે નારી. "વ્યોમ" સુધી જેની ખ્યાતિ, શુદ્ધ સૌમ્ય વર્તન છે નારી. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" ટહુકી જવાનાં " બે ઘૂંટ અમરતના તો, બે ઘૂંટ ઝહેરના પી જવાનાં. જિંદગી મળી છે તો હસતાં હસતાં જીવી જવાનાં. ઠેર ઠેર ભલે ફાટી ગયું હોય આ જીવન પહેરણ, એક આસ્થાના થીગડાએ એને સીવી જવાનાં. અંકિત થઈ જઈશું સદા માટે તમારાં મનડા પર, સ્મરણની તમ હૃદય પર એવી ભાત ભરી જવાનાં. પાનખરને પણ માણતાં શીખી લીધું વસંત માફક, શ્વાસની સૂકી એક ડાળ પર પણ ટહુકી જવાનાં. જીવન પણ કંઈક એ રીતે જીવી જઈશું "વ્યોમ" કે અમારા મૃત્યુ પર તો શત્રુઓ પણ રડી જવાનાં. ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
..." ઋતુ આવી પ્રેમની " ફાલ્યો છે ફાગણ ચારેકોર. તરુવનમાં ગહેકી રહ્યાં મોર. પીઠી ચોળી ઊભો ગરમાળો, લાલ રંગે શોભે છે ગુલમહોર; મહેકે છે ઝાકળે ભીંજાતી માટી, વાસંતી વાયરો કરે છે કલશોર; લચી છે વનરાજી કેસૂડે - કેસૂડે, આંબાની ડાળે મ્હૉર્યાં છે મૉર; કુહુ કુહુ... પેલી ગાતી કોયલના- ટહુકામાં થઈ છે ઉષા તરબોળ; પર્ણ પર્ણ ઝળકી રહી શબનમ, નવી કૂંપળ ફૂટવા કરે છે જોર; આવી છે ઋત પ્રેમની " વ્યોમ " દલડું ચોરી ગયો છે ચિત્તચોર; ✍️... © વિનોદ.મો.સોલંકી "વ્યોમ" જેટકો (જીઈબી), મુ. રાપર.
.....નસીબ ખેલાવે ખેલ નસીબ ખેલાવે ખેલ, ભૈ નસીબ ખેલાવે ખેલ; નાચતા મોર સામે ઢેલ, ભૈ નસીબ ખેલાવે ખેલ; મનગમતું મળતું નથી, પરંતુ મળ્યું એને ગમતું કરો, સમજો વિધાતાના મેળ, ભૈ નસીબ ખેલાવે ખેલ; સાથે ચાલે પણ મળે નહીં, જો મળે તો ફંટાય રસ્તા, જીવન પાટા પર ચાલતી રેલ, ભૈ નસીબ ખેલાવે ખેલ; મંડ્યાં રહો લક્ષ્ય પ્રાપ્તિ સુધી, પાછા વળી ન જુવો, આળસ એટલે મોટી જેલ, ભૈ નસીબ ખેલાવે ખેલ; નસીબ ને મહેનત મળે તો, સફળતા ચુંબે "વ્યોમ" જાણે તરુને વળગેલી વેલ, ભૈ નસીબ ખેલાવે ખેલ; ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
" હૈયા કેરી વાત " હૈયા કેરી વાત ના ધરબી રાખશો દિલ મહીં. કરો ચર્ચા મિત્રો, થોડી કહી થોડી અનકહી. બની જશે નાસુર દબાવી રાખશો દિલ મહીં. થાશે અફસોસ પછી, સમો જાશે જો વહી. દિલાસો મળશે, કાં તો મળશે સલાહ જરૂર, હરેક સમસ્યાનો સચોટ ઉકેલ મળશે અહીં. ખોલી નાખજો દિલ, મિત્રો આગળ બેધડક, હર એક સવાલ માટે મિત્ર જ છે ઉત્તરવહી. ખોલવું પડે દિલ અગર જો ઓજારથી "વ્યોમ" ત્યારે કહેતા નહીં કે, મિત્રને કેમ કશું કહ્યું નહીં? ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
..." બાપની પડછાઈ " માથા પરથી એવી રીતે બાપની પડછાઈ ગઈ; જાણે કે ખીલેલા ફૂલની જ ડાળી કરમાઈ ગઈ; વાત તો હતી ફકત પેટનો ખાડો પૂરવા પૂરતી જ, હાથ લંબાવ્યો બાળકે વાત ગામમાં ચર્ચાઈ ગઈ; કોઈ તો કહો કે આ ગરીબીનું હવે કરવું પણ શું? ચુંદડી સરકી ફાટેલી ને એ જગમાં વગોવાઈ ગઈ; ન્હાતો રહ્યો એક બાપ સદા મહેનતના પરસેવાથી, કપાતર સંતાન પાકતાં એની મહેનત વેડફાઈ ગઈ; ના જાણે આ જમાનો ક્યાં આવીને ઊભો રહેશે, લાજ ગઈ, શરમ ગઈ, સભ્યતા ગઈ ને સાદાઈ ગઈ; કહેવી હોય કોઈ વાત તો કહેવી કઈ રીતે? "વ્યોમ" ના કહેલી એ વાત પણ દિવાલને સંભળાઈ ગઈ; ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
..." શરૂઆત વસંતની " નજરથી નજરની વાત થઈ રહી છે; લાગે છે વસંતની શરૂઆત થઈ રહી છે; હું, તું અને ફક્ત આ હરીયાળા રસ્તા, ન જાણે કેવી મુલાકાત થઈ રહી છે? ઝાકળે ભરી લીધો આલિંગનમાં સૂર્યને, એટલે સવાર સવારમાં રાત થઈ રહી છે; દિલનું ધડકવું ને પછી ધડકન ચૂકી જવું, શું દિલને મહેસૂસ કોઈ ઘાત થઈ રહી છે? આવી છે ઋત મહોબ્બત કરવાની "વ્યોમ" ગઝલ દ્વારા પ્રેમની રજુઆત થઈ રહી છે; નામ:- ✍... વિનોદ. મો. સોલંકી "વ્યોમ" જેટકો (જીઈબી), મુ. રાપર.
..." ફુલોથી રૂબરૂ કરું " આરજુ છે કે તને ફુલોથી રૂબરૂ કરું; ફોરમની સંગાથે થોડીક ગુફતેગું કરું; પાનખરમાંય મહેકી ઊઠે છે કેશ તો, આજ વસંતની જરા જુસ્તેજુ કરું; સ્પર્શી તારા તનને, પવન થયો માદક! હું પણ મારા મનને થોડું બહેકતું કરું; ચાંદ સિતારા પણ થયાં દિવાના તારા, તો, હુંય આ દિલને તારું દિવાનું કરું; "વ્યોમ" ક્ષિતિજ પર મળે કે ન મળે, તું આવ પાસે, દિલથી દિલ ઢુકડું કરું; નામ:- ✍...વિનોદ. મો. સોલંકી "વ્યોમ" જેટકો (જીઈબી), મુ. રાપર.
Copyright © 2025, Matrubharti Technologies Pvt. Ltd. All Rights Reserved.
Please enable javascript on your browser
