The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
"ઉનાળાની બપોર " ઉનાળાની બપોરે તડકો ધોમધખતો ત્રાટકે, ધરતીના હૃદયમાં બળબળતો અગ્નિ ખટકે. પવન પણ થાકીને શાંત બનીને બેઠો, છાંયો શોધતો માનવ રસ્તા પર પેઠો. વૃક્ષોની છાયા નીચે જીવન થોડુંક હસતું, પંખીઓના કલરવ સાંભળી લાગે કોઈ વસતું. નદીના પાણીમાં પણ ગરમી ભળે છે. સૂરજની જ્વાળા બધે પોતાનું રાજ કરે છે. શેરી ગલીઓ સુમસામ થઈ છે. પંખીઓ છાંયડે ઓથે બેસી મૌન ટહુકા કરે છે. ગામને પાદર ઝાડની છાયામાં ગૌધન આરામ કરે છે. ઉનાળાની બપોરે માનવ મહેરામણ ટળે છે. શહેરના ચક્કાજામ રસ્તાઓ પણ નીરવ શાંતિ ભરે છે. લોકો જલ્દીમાં ઘરની ભણી પગલાં ભરે છે. બપોર ઢળીને ઠંડી સાંજ માટે આશાભરી આંખો ધરે છે. ધરતી તપે ને કંચન વરસે એ કાજે આ ગરમી ઉપેક્ષા સહે છે. લોકજીવનમાં સહનશીલતા ના પાઠ શીખવવા તે ઉનાળો પોતે પણ તપે છે.
" ખોવાયેલો ખજાનો" પ્રેરકવાર્તા - નયના વિરડીયા ✍️ બહુ સમય પહેલાની વાત છે. અરબ સાગરના કિનારે એક નાનકડું મછવારાઓનું ગામ હતું આ ગામમાં “વીર” નામનો છોકરો રહેતો હતો. ગામના લોકો દરિયાને માત્ર રોજી-રોટી માટે જોતાં, પણ વીર માટે દરિયો એક રહસ્ય હતો. એને હંમેશા જ લાગતું કે દરિયાની અંદર કંઈક એવું છુપાયેલું છે જે તેની જિંદગી બદલી દેશે. એક દિવસ દરિયા કિનારે એને એક જૂનો નકશો મળ્યો. કાગળ પીળો પડી ગયો હતો અને તેના પર એક “X” નું નિશાન હતું. વીરને તરત જ વિચાર આવ્યો કે નક્કી આ કોઈ મોટા ખજાના સુધી પહોંચવા માટે નો નકશો જ છે.આવો મોકો મળે અને કોઈ ચુપચાપ બેસી રહે એવું ક્યારેય થયું છે? વીરે તરત જ નક્કી કરી લીધું કે તે ખજાનો શોધીને જ રહેશે. તે નાની હોડી લઈને દરિયામાં નીકળી પડ્યો. દિવસો સુધી તે તરતો રહ્યો. ભૂખ, તરસ અને ભય… બધું સહન કરતો ગયો. આખરે તે નકશામાં દર્શાવેલા ટાપુએ પહોંચી ગયો. ટાપુ શાંત હતો, બહુ જ શાંત. જાણે ત્યાં કોઈ વર્ષોથી આવ્યું જ ન હોય. વીરે “X” ની જગ્યા ખોદવાની શરૂઆત કરી. થોડા સમય પછી, તેને લાકડાનું એક બોક્સ મળ્યું. બોક્સ જોતા જ તેનું હૃદય જોરદાર ધડકવા લાગ્યું “હવે તો હું દુનિયા નો સૌથી ધનિક માણસ બની જઈશ,” અનેક સપનાઓએ પાંખો ફફડાવી આલીશાન ઘર બનાવીશ,હાથી, ઘોડા,નોકર,ચાકર ની સેના ઘરના આંગણામાં ઉભી હશે અને શાહી ઠાઠ થી પોતે એ મહેલ જેવા ઘરમાં રહેશે. વિચારોના વરસાદ સાથે તેણે બોક્સ ખોલ્યું. પણ અંદર શું હતું? સોનાં-ચાંદી નહીં… રૂપિયા પૈસા પણ નહિ... જય,ઝવેરાત કે મિલ્કતો નો ઉલ્લેખપત્ર પણ નહિ... પણ એક જૂનું દર્પણ. વીર ગુસ્સે ભરાઈ ગયો. “આ શું મજાક છે?” એ ચીસો પાડવા લાગ્યો વેરાન ટાપુ માં તેની ચીસો શાંત બની વિખેરાય ગઈ પણ જ્યારે તેણે દર્પણમાં પોતાનો ચહેરો જોયો, ત્યારે તેને સમજાયું કે તે પહેલાં જેવો રહ્યો જ નથી. એની આંખોમાં હવે ભય નહોતો, પરંતુ આત્મવિશ્વાસ હતો. એની અંદર એક નવી શક્તિ જન્મી હતી. દરિયો ખેડવાનો અનુભવ હતો. ત્યારે જ તેને સમજાયું… ખજાનો સોનામાં નહોતો, ખજાનો તો એની અંદર હતો.
"આપણો સંબંધ" શબ્દ માત્ર નથી આપણો સંબંધ, માત્ર નામની ડોર નથી આપણો સંબંધ. શ્વાસ જેવી નાજુક વસ્તુ આપણો સંબંધ, લાગણીનો શોર નથી વિશ્વાસ નો દોર આપણો સંબંધ. ક્યારેક આંખોમાં બોલે છે આપણો સંબંધ, ક્યારેક મૌનમાં મહેંકે આપણો સંબંધ. ક્યારેક હાથ પકડીને ચાલે આપણો સંબંધ, સદાય અંતરમાં વસતો આપણો સંબંધ. એકમેકના જીવનનો સાચો સહારો આપણો સંબંધ, થાકેલા મનનો છાંયો આપણો સંબંધ. બોલ્યા વગર સમજાઈ એ આપણો સંબંધ, દૂર રહીને પણ નજીક લાગે એ આપણો સંબંધ. ક્યારેક રિસાવું, ક્યારેક હાસ્યથી મહેંકે આપણો સંબંધ, ક્યારેક આંસુ વહેતા પણ ટકી રહેતો આપણો સંબંધ જેમાં “હું” નહીં," તું " નથી “આપણુ ” રહેતું તે જ આપણો સંબંધ .
Good morning
"મારા પપ્પા " ઘરના આંગણે ઊભુ એક વૃક્ષ ઘટાદાર, છાંયો આપે નિશબ્દ, એ મારા વ્હાલા પપ્પા. સૂરજ જેવા કઠોર દેખાય બહારથી, અંદરથી ચાંદ જેવી મમતા ધરાવે મારા પપ્પા. પોતાના સપના શાંતિથી ખિસ્સામાં મૂકી ને, અમારા સપનાઓને પાંખ આપવા રાત દિવસ દોડતા મારા પપ્પા. પગમાં કાંટા ચુંભતા હોવા છતાં ખભે બેસાડીને દુનિયા બતાવે મારા પપ્પા. હાથમાં કઠિન મહેનતની રેખાઓ,પણ આંખોમાં ગર્વનું અજવાળું બોલે ઓછું, કરે વધારે મારા પપ્પા. જ્યારે થાકી જાઉં જીવનની દોડમાં,પાછળથી અવાજ આવે ધીમો — “હિંમત રાખ, હું છું તારી સાથે જ છું,” આમ મજબૂત બની સદાય સાથે ઊભા રહે મારા પપ્પા. માતા પ્રેમનો દરિયો હશે,પણ પ્રેમનું ઊંચુ આકાશ છે મારા પપ્પા. શબ્દોમાં ઓછા દેખાય,પણ લાગણીઓમાં અનંત છે મારા પપ્પા. મારા દરેક કદમ પાછળ,તેમની પ્રાર્થનાઓનો સાથ છે. મારા દરેક સપનાઓમાં,મારા પપ્પાનો વિશ્વાસ છે. મારી દરેક સફળતા પાછળ મારા પપ્પાના આશીર્વાદ છે. મારા દરેક શ્વાસ અને ધબકારમાં મારા પપ્પા નો જ પ્રાણ છે.
"અમુક સંબંધમાં સમય અને ઉર્જા આપવા જેવું ન લાગતું હોય, તો તેને એક સલામત અંતરે રાખીને નિભાવી શકાય, જેમાં ચર્ચા કે ચડભડને અવકાશ ન રહે અને તે છતાં સંબંધ કપાઈ ન જાય.." 🍁 *શુભ સવાર*🍁
"શક્તિનો શ્રેષ્ઠ ઉપયોગ ત્યારે જ શક્ય છે જ્યારે તે ફરજ પાડવાને બદલે પ્રેરણા આપે. માણસો પ્રેરિત થઈને જેટલું શ્રેષ્ઠ પ્રદર્શન કરે છે, તેટલું દબાણ હેઠળ નથી કરતા. એટલા માટે, ઉદાહરણરૂપ બનવા પ્રયત્ન કરવો જોઈએ.." 🍁 *શુભ સવાર*🍁
"જીવનમાં વસ્તુઓ નહીં અનુભવો એકઠા કરશો તો સ્ટોરેજની સમસ્યા નહીં થાય.આપણે જીવન દરમિયાન ઘણી ચીજવસ્તુઓ એકઠી કરીએ છીએ.પણ જીવન જીવવા માટે જરૂરી અનુભવો છોડી દઈએ છીએ.." 🍁 *શુભ સવાર*🍁
જિંદગીમાં એક વાત હંમેશા યાદ રાખવી, દરેકને તમે સમજાવી નહીં શકો અને દરેક તમને સમજી નહી શકે... Good Morning 🌞
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
