The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
✨️સૌંદર્યનું નજરાણુ✨️ તારા સ્મિતમાં છુપાયેલું છે એક આખું આકાશ, તારી આંખોમાં દેખાય છે અમીનો ઉજાસ. કુદરતે ઘડ્યું છે તને ફુરસદના પળે, જાણે કવિની કલ્પના સાકાર થઈને મળે. રૂપ તારું નીખરે છે લજ્જાના શણગારમાં, એક અનોખી ચમક છે તારા આ અંદાજમાં. સૌંદર્ય અને શક્તિનો આ સુંદર સંગમ છે, તારા વ્યક્તિત્વમાં વસેલો એક આત્મવિશ્વાસનો દમ છે. શાલીનતા અને લાવણ્યની તું મૂરત લાગે છે, તારા હોઠો પરનું સ્મિત કોઈ ગઝલ જેવું જાગે છે.
🔱શિવ-શક્તિ🔱 અર્ધમાં નારી, અર્ધમાં નર, એ જ પૂર્ણતાનો સાર, પ્રેમ અને આ શ્રદ્ધાનો, છે અતૂટ આ બંધનધાર. શિવ છે શૂન્યની ગંભીરતા, શક્તિ સર્જનનો નાદ, બંને મળીને રચે સૃષ્ટિમાં, સંતુલનનો આહલાદ. જ્યારે જીવનના પથ પર, ઘેરાય મુશ્કેલીના વાદળ, ત્યારે અડગ શ્રદ્ધા જ બને છે, આત્માનું પીબળ. વિશ્વાસનું જ્યારે શિવ સાથે, થાય અનોખું મિલન, ત્યારે અંધકારે પણ જડે છે, દિવ્યતાનું દર્શન. નથી શિવ શક્તિ વગર, નથી શક્તિ શિવ વિના, જેમ પુષ્પ અધૂરું લાગે, સુગંધના અસ્તિત્વ વિના. પ્રેમ, શાંતિ ને શક્તિનો, જ્યાં થાય ત્રિવેણી સંગમ, ત્યાં જ પ્રગટે છે હૃદયમાં, પરમાનંદનું નિર્ગમ. સંવાદિતા જ છે સાચો માર્ગ, સંતુલન જ છે સત્ય, શિવ-પાર્વતીના પૂરક સમું, જીવન જીવવું એ જ નિત્ય. શ્રદ્ધાનો દીવો પ્રગટાવી, જો કરશો ભીતરનો પ્રવાસ, તો કણેકણમાં અનુભવાશે, એ પરમાત્માનો વાસ.
આખી જિંદગી આંકડા તમે માંડો, અને છેલ્લે સરવાળો કોઈ બીજું જ કરી જાય એનું નામ નસીબ..!! હાથમાં લીટીઓ કોતરી, ગણિત માંડ્યું કર્મનું, કર્મની ભૂમિ પરે, વાવેતર કર્યું ધર્મનું. પ્રયત્નોની પાટી પર રોજ નવી ગણતરી, આશાઓના અંકોની હારમાળા રચાઈ. અંતિમ પરિણામનો હિસાબ કોક અન્યને, નસીબના ચોપડામાં સિક્કો વાગે અદ્રશ્યનો. ક્યારેક મહેનત વ્યર્થ, ક્યારેક અણધારી સૌગાત, એ જ તો જીવનની લીલા, જે જગાવે અનોખી વાત. નસીબની આ વ્યાખ્યામાં સત્યનો પૂરે છે સૂર, પ્રયત્ન આપણો ભરપૂર, ભાગ્યનો ફેંસલો છે દૂર.
"સમય પાસે એટલો સમય નથી કે તે તમને ફરીથી સમય આપી શકે. માટે, દરેક પળને યોગ્ય રીતે જીવી લો." - KRUNAL
વાદ થી વિવાદ સુધી અને વાત થી વિચાર સુધી પહોંચી શકાય છે.
. - KRUNAL
ઘોંઘાટથી દૂર, એકાંતમાં મળ્યો છું મને, ત્યારે જ સમજાયું કે હું માત્ર માનવ નહિ, પરંતુ દિવ્યતાનો અંશ છું.
"સંબંધ અને પાણી" બંને એક સમાન છે. નદી કિનારે પાણી શાંત અને મધુર લાગે છે, પણ એ જ પાણી જો નદીનો પ્રવાહ બને તો, પોતાના માર્ગમાં આવતા બધા અવરોધોને નષ્ટ કરી શકે છે. એ જ રીતે સંબંધોમાં પણ જો શાંતિ હોય, તો જીવન સુખમય બને છે, પણ જો એ સંબંધોમાં પ્રેમ અને વિશ્વાસનો પ્રવાહ હોય, તો એ જીવનના દરેક અવરોધોને પાર કરી શકે છે.
ભાઈ-બહેનનો નાતો નાનપણના એ દિવસો, પાછા આવે તો કેવું સારું, ઘરના આંગણે રમતા, ને કરતા કેટલુંય તોફાન; એકબીજાની સાઈકલ પર બેસી, ફેરવતા ગલીઓ બધી, ને ક્યારેક તો પાડી દેતા, નાની એવી રડમસ બૂમ. રમકડાં માટે લડાઈઓ થતી, ને મમ્મી પાસે ફરિયાદ; એકબીજાની ચોકલેટ ચોરી, ને છુપાઈને કરતા સ્વાદ; પપ્પાનો હાથ પકડીને, ફરવા જવાનો રોમાંચ; એકબીજાને સતાવવાનો, એ પણ હતો એક મીઠો રિવાજ. -- મોટા થયા, ને બદલાઈ ગયા દિવસો, પણ નાતો એવો જ રહ્યો, વાત હવે નાની-નાની, પણ સમજણ વધી છે સહેજ; હવે ઝઘડા ઓછા થાય, ને વાતો વધારે થાય; એકબીજાના સપનાઓને, સાથે મળીને સાકાર કરવાના થાય. જીવનના રસ્તા પર, જ્યારે કોઈ મુશ્કેલી આવે; ભાઈ બનીને ઢાલ ઉભો રહે, ને બહેન હિંમત બનીને આવે; એકબીજાના સુખ-દુઃખમાં, સાથે ઉભા રહીએ; એકબીજાને પ્રોત્સાહન આપી, આગળ વધીએ. -- રક્ષાબંધનનો તહેવાર આવે, ને બાલપન યાદ આવે; હાથ પર બંધાયેલી રાખડી, ને મારો ભાઈ સામો આવે; વચન આપે રક્ષણનું, ને વચન પાળીને બતાવે; ભાઈ-બહેનનો નાતો, આમ જ મજબૂત થતો રહે. સાત જનમનો નાતો આ, ક્યારેય ન તૂટે; આજે પણ, એ જ પ્રેમથી, પૂછે એકબીજાનેે; કેમ છે ને શું ચાલે છે, નવીન જીવનમાં, ભાઈ-બહેનનો પ્રેમ, રહેશે સાત સમુદ્ર દૂર છતાં, જીવે છે એક બીજા ના સંગમાં.
વરસવું ઓછું ને ઉકળાટ ઝાઝો આપે છે , આ મોસમને પણ માણસ થવાના ભાવ જાગે છે!.... - KRUNAL
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
