Quotes by Bhargav Patel in Bitesapp read free

Bhargav Patel posted an update Gujarati Song

પ્રેમદીપ પ્રકટાવો...
ઉરમાં પ્રેમદીપ પ્રકટાવો...

દીપ વિના રજની છે કેવળ તિમિરભરેલી કાળી;
શુષ્ક હૃદયમાં ક્યાંથી દીપે તેજોમય દિવાળી?
તો આજે ભીતર કરુણાનું નિર્મળ તેલ પુરાવો;
પ્રેમદીપ પ્રકટાવો...

કરી તિરસ્કૃત મનની શ્રીને ભમતો વૈભવહીન;
દુર્ગુણના સંગે વિલસે તું, અન્ધકારમાં લીન.
મથી મનઃસાગર રે બન્ધો, શ્રીમય ચિત્ત બનાવો;
પ્રેમદીપ પ્રકટાવો...

મનના રામતત્ત્વને તો તેં આપ્યો ચિરવનવાસ;
ગુણવિહીન આ ઉર શી રીતે પામે સત્ય પ્રકાશ?
તો વનમાંથી આજે સવિનય રાઘવને ઘર લાવો;
પ્રેમદીપ પ્રકટાવો...

-Bhargav Patel

172 Views

3 others like this post.

Bhargav Patel posted an update Gujarati Poem

3 year ago

તારામય અમ્બર પ્હેરી સુન્દર રાત લસે શ્યામળ ગગને;
રમણીય દિવાળી પ્રકાશવાળી દીપે જનજનનાં વદને.
નવવર્ષ વધાવી, હૃદય સજાવી, વાત ધરો અન્તઃકરણે;
થઈ મોહવિહોણું નિર્મળ સૌનું ચિત્ત રહે પ્રભુને ચરણે.

-Bhargav Patel

53 Views

3 others like this post.

Bhargav Patel posted an update Gujarati Poem

3 year ago

જેમ ઉષાનાં કિરણો નભને ઘોર તમસથી મુક્ત કરે,
તેમ શિખા આ સૌ દીપોની તવ અન્તરને સૂર્ય ધરે.
અન્ધકારથી મુક્ત થઈને, મનના તેજઃપુંજ લણી;
દીપો અને દિપાવો જગને, પ્રકાશના દિગ્દૂત બની.

-Bhargav Patel