Quotes by mystery mysterious in Bitesapp read free

mystery mysterious

mystery mysterious

@mysterymysteriouss.s259750


Aaj dil ke labz
Likhne bethi
Tab pata chala
Dil ke saare jazbaat
Mar gaye hai

#reallife #died
- mystery mysterious

Shayari

Thodi Jindagi Udhar De De
Hamen Jeene Ke liye
kiston ke sath Udhar lauta Denge
Un udhari ke Lamhon se
Puri Jindagi ham nikal Lenge

💔💔❤️‍🩹❤️‍🩹

epost thumb

❤️‍🩹❤️‍🩹💔💔

epost thumb

Aadat...
Ek aisi gandi bimari,
jo na chhutne ka naam leti hai.
Kabhi achhi lagti hai,
kabhi buri ban jaati hai...
Lekin jitni buri sabit hoti hai na,
utni kabhi achhi nahi ho pati.

Humein pata hota hai
ki iske chalte hum barbaad ho sakte hain,
hamara kuch achha nahi hoga...
Phir bhi hum usi cheez ko karte hain,
kyunki... aadat lag gayi hoti hai.

Aur jitna hum sochte hain na
ki “chhodo, aasan hai”,
utna hi mushkil hota hai
aadat ko chhodna.

Kahi baar lagta hai
ki apne apno ka saath ho toh nikal jayenge —
lekin kuch aadatein aisi hoti hain
jo apnon ke hone par bhi nahi chhutti.

Unse ladna hota hai
khud ko.
Khud se.
Khud hi us aadat ko thokar maarni hoti hai.

Aur sabko lagta hai
ki hum koi aasan ladai lad rahe hain…
Par nahi —

Doosron se ladna aasan hota hai,
Apno se ladna mushkil hota hai,
Aur khud se ladna... sabse zyada todne wala.

Read More

iss line ko pura
karo comments mai

Mere jeene ke wajah


- mystery mysterious

🌿 "Ek Saadi Si Khwahish "

Kabhi-kabhi kuch logon ka sapna sirf ek simple si life jeene ka hota hai.
Ek aisi zindagi jismein hum ho, hamare apne ho,
jinse hum khul ke baatein kar sakein,
jin ke saath waqt bita sakein,
jin ke saath baith kar ek thali mein khana kha sakein,
aur shaam ko bas ye poochh sakein —
"Aaj ka din kaisa tha?"

Bas… itna hi toh chahiye hota hai.

Lekin kuch logon ke liye ye simple life bhi ek sapne jaisi hoti hai.
Usse paane ke liye unhe itna kuch jhelna padta hai,
itna kuch khona padta hai…
aur phir bhi, wo kabhi mil nahi paati.

Kyuki logon ko bardaasht nahi hota
ki koi sirf aam si chhoti-chhoti baaton mein kaise khush ho sakta hai.

Aaj ke zamaane mein
logon ko sab kuch chahiye —
naam, paisa, shohrat, dazzle.
Aur jab koi in sab ke bina,
sirf apno mein hi sukoon dhundhne lagta hai,
toh wo log jalne lagte hain...

Aur dheere-dheere,
hamari zindagi ko narak bana dete hain.

Ek simple si life ke liye
Ek baap puri zindagi kharch kar deta hai,
Ek maa apna pura atmasamman koh deti hai
Aur phir bhi usse wo saans nahi milti
jiski usne khwahish ki hoti hai.

Kabhi-kabhi toh lagta hai…
shayad is duniya se chale jaana hi behtar hai.
Kyuki dil, dimaag, rooh sab thak chuke hote hain.

Kya maanga tha?
Bas thodi si baatein,
thoda sa waqt apno ke saath,
thodi si hansi-mazaak…
aur bas itna hi.

Lekin usse paane ke liye bhi
khud ko itna ragadna padta hai
ki aakhir mein kuch bacha hi nahi —
sirf thakaan aur tootpan ke alawa.
#life #SimpleLife #reality #struggle

Read More

Shayari do tarfa logo ke liye

Tumhara din kahi aur
Dharm kahi aur
Tumhara maan kahi aur
Tan kahi aur
Tumhara pyaar kahi aur
Dhyaan kahi aur
Tumhara waqt kahi aur
Saath kahi aur
Aur bolte hoo mai
Bharosa kyu nahi karti

Shayari jese kuch shabd

Mai teri vo chaht ho
Jise tu kitna bhi chale
Nahi chaha payega

Mai teri vo dillagi ho
Jisse tu kitna bhi dil laga le
Nahi pura laga paayega

Mai teri zindagi mai vo hoo
jisko soche bina tu jee nahi sakta
Aur vo soch hee tujhe maar degi

Mene ye likhte likhte likh diya
Kisko kena ho toh share kar dena
#love #Hurt Broken #realife #thought

Read More

why I am here

epost thumb