The Download Link has been successfully sent to your Mobile Number. Please Download the App.
Continue log in with
By clicking Log In, you agree to Matrubharti "Terms of Use" and "Privacy Policy"
Verification
Download App
Get a link to download app
નવા વર્ષનો પહેલો લેખ.. જે પક્ષીનું બોલવું એ મૃત્યુ અને દુર્ભાગ્યનો સંકેત માનવામાં આવે છે, એ અપશુકનિયાળ પક્ષી કઈ રીતે સુખ - સમૃદ્ધિ તેમજ ધનના દેવી માતા લક્ષ્મીનું વાહન બન્યું ?? માતા લક્ષ્મીનું વાહન - ઘુવડ by Vishakha Mothiya વાંચવા અહીં લિંક પર ક્લિક કરો - https://webgurjari.com/2026/11/10/goddess-lakshmi-with-owl/?shem=aimgspe, વાંચો અને શેર કરો... Special Thanks:- રાજુલ કૌશિક શાહ - USA અને વેબ ગુર્જરી ટીમ...🇮🇳🙏
મારો દિવાળી સ્પેશિયલ લેખ - અતુલ્ય વારસો મેગેઝિન વિવિધતામાં એકતાને પુરવાર કરતો દિવાળીનો તહેવાર ભારતભરમાં પૂરા જોરશોરથી મનાવવામાં આવે છે. તહેવાર એક પરંતુ તેને મનાવવાની રીત અલગ, તેની સાથે જોડાયેલી પરંપરા અલગ. આપણે જાણીશું ભારતનાં ચારેય ભાગોમાં થતી દિવાળીની વિશેષ અને વૈવિધ્યસભર ઉજવણી વિશે. દિવાળીનું વૈવિધ્ય by Vishakha Mothiya | Atulya Varso Magazine વાંચવા માટે અહીં લિંક પર ક્લિક કરો - https://vishakhainfo.wordpress.com/2026/11/06/diwali-celebration-atulya-varso-magazine/ Read & Share
90s Diwali by Vishakha Mothiy અત્યારે સોશિયલ મીડિયામાં, ખાસ કરીને ઈન્સ્ટાગ્રામ પર 90's થી લઈને છેલ્લા દોઢ દાયકામાં થતી દિવાળીની ઉજવણીના AI વિડિયો બહુ જ વાયરલ થયેલા જોવા મળે છે. આ સમય આપણે સૌ જીવી ગયા છે એટલે આપણી માટે nostalgic અને અત્યારની આલ્ફા, બીટા જનરેશન even Gen Z માટે આશ્ચર્ય પમાડે એવો સમય હતો. આ reels જોઈને કોણ જાણે કેમ?? દરેક પેઢીના લોકોને એક પ્રકારનો સુકૂન મળી રહ્યો છે. આ રિલ્સના કોમેન્ટ સેક્શનમાં નજર ફેરવીએ તો - ગોલ્ડન ટાઈમ, સુકૂન, ગોલ્ડન એરા વગેરે જેવા જ શબ્દો જોવા મળે છે. આ બધું જોઈને એટલું તો પાકું કહી શકીએ કે - લોકો આ આધુનિક, ફાસ્ટેસ્ટ યુગમાં પણ ક્યાંક ને ક્યાંક શાંતિ, સુકૂનને ઝંખી રહ્યા છે. આ મોડર્ન યુગમાં સુખ - સુવિધા,પૈસા, સાધન - સંપત્તિ; જે જોઈએ એ બધું જ છે પરંતુ શાંતિ અને સંતોષ નથી.લોકો જ્યારે વીતી ગયેલા સમયમાં ડોકિયું કરે છે ત્યારે એવો અહેસાસ થાય છે કે - યાર, એ સમય કેટલો સારો હતો !! આપણે બધાં કેવા મસ્ત રીતે તહેવારો મનાવતા !! વગેરે. સિમ્પલ લિવિંગ સ્ટાન્ડર્ડ સાથે પણ તહેવારો કેવા જોરદાર મનાવતા હતા. ત્યારે બહુ દેખાદેખી કે કોઈ આપણને જજ કરશે એવું કશું જ નહોતું. સહજતા અને વાસ્તવિકતા વધારે હતી. ખેર, સમયનું કામ જ છે વહેવાનું એટલે એ સ્થિર ન રહે. બસ, જમાના પ્રમાણે તહેવારોની ઉજવણી કરતી રહેવાની. હવે વાત કરીએ, 90's થી લઈને 2010 ના દાયકામાં થતી દિવાળીની ઉજવણી વિશે. આ સમયમાં (૨૦૧૦ થી) સોશિયલ મીડિયા એપ એ હજુ જસ્ટ પ્રવેશ જ કર્યો હતો. સોશિયલ મીડિયાની લાઇફ જ નહોતી, એમ પણ કહી શકાય. શરદપૂનમ પછી બજારોમાં દિવાળીની શોપિંગ જોવા મળતી. આ વખતે કેવા કપડાં લેવાના છે ? ઘર માટે સાજ સજ્જાની કઈ વસ્તુઓ લેવાની છે ? દિવાળીના નાસ્તા બનાવવા માટેનું કરિયાણાનું લિસ્ટ અને આ વખતે ક્યાં નવા પ્રકારના ફટાકડાં લેવાના છે? વગેરે. મહિલાઓ ઘરના ગાદલા - ગોદડાં, ઓશિકા વગેરે અગાસી કે ફળિયામાં તપવા મૂકી દેતા. ઘરની સાફ સફાઈનું અભિયાન અઠવાડિયું દસ દિવસ સુધી ચાલતું. વધારાનો સામાન જે જરૂર ન હોય તે ભંગારવાળાને આપી દેતા. આ દરમિયાન કપડાં લેવાનું કામ, દિવાળીની રંગોળીના કલર, સાથિયા - પગલા, દીવડાની ખરીદી પણ રહેતી. પછી અગિયારસથી દિવાળી નાસ્તો બનાવવાનું શરૂ થતું. મેંદાની પૂરી, ફાફડા, ઘૂઘરા, મગસ (મગજ) ના લાડુ- આ ખાસ દિવાળી સ્પેશિયલ વ્યંજન રહેતું. ત્યારબાદ ચકરી,ચોળાફળી, સકરપારા, ચેવડો વગેરે.અગિયારસ શરૂ થાય એ પહેલા નક્કી થઈ જતું ક્યાં દિવસે કઈ રંગોળી પુરવાની છે ?? ક્યાં ક્યાં ફટાકડા ફોડવાના છે ? દિવાળી તેમજ બેસતાં વર્ષને દિવસે ક્યાં કપડાં પહેરવાના છે?વગેરે. અગિયારસથી દિવાળી શરૂ થાય છે. સવારે શિયાળુ પવન અને પછી તડકો. વેકેશન પડી ગયું હોય છે એટલે ઘરમાં પણ સારી એવી ચહલપહલ હોય છે. આ દિવસથી દિવાળી નાસ્તા બનાવવાનું શરૂ થતું. મમ્મીને થાય એટલી મદદ કરતા - મેંદાની પૂરીમાં કાણા પાડવા, અને પછી ચાખવાનું. સાંજે મિત્રો જોડે ફટાકડા ફોડતા. ધન તેરસને દિવસે મમ્મીનાં સોના - ચાંદીના ઘરેણાંની પૂજા કરતા. કાળી ચૌદસને દિવસે સાંજે કકળાટ કાઢ્યા પછી દહીં વડાનો પ્રોગ્રામ. બીજે દિવસે દિવાળી છે એટલે રાત્રે ઊંઘ પણ ન આવતી. વહેલા ઊઠીને ફટાકડાં ફોડવા માટે પહેલેથી જ એલાર્મ મૂકી દેતા. સવારે વહેલા ઊઠીને ફટાકડાં ફોડતા, રંગોળી બનાવતા. સાંજે નવા કપડાં પહેરીને માતા લક્ષ્મીના મંદિરે, બજારમાં દિવાળીની રોશની તેમજ બહારથી નાસ્તો કરીને ઘરે આવી જવાનું અને પછી રાત્રે મોડે સુધી ફટાકડા ફોડવાનું. દિવાળીની રાત લગભગ જાગરણ જેવી હોય છે. ભાગ્યેજ કોઈક જ સૂતું હોય છે. બહેનો રાત્રે રંગોળી કરતા હોય છે, પરિવારના સભ્યો ઘરની બહાર ફટાકડાં ફોડતા હોય છે. પડોશી સાથે બેઠા બેઠા વાતો કરતા હોય છે. રાતે માંડ પાંચ - છ કલાક સૂવાનું હોય છે કારણ કે બીજે દિવસે વહેલું ઉઠવાનું હોય છે. બેસતા વર્ષની excitement એટલી હોય છે કે દિવાળીની રાતે ઊંઘ પણ નથી આવતી. વહેલી સવારે ઉઠીને નાહી - ધોઈને નવા કપડાં પહેરવાના, મંદિરે દર્શન પછી વડીલોના આશીર્વાદ. લિવિંગ રૂમમાં કે ઓસરીમાં ખુરશી - ટીપોઇ ગોઠવાઈ જતી; મુખવાસદાની સાથે. પછી શરૂ થતું - નવા વર્ષનાં વધામણાનો દિવસ. બપોરે ઊંધિયું - પૂરી જમીને ઘસઘસાટ ઊંઘી જવાનું અને રાતે સગા સંબંધીઓને ત્યાં બેસવા જવાનું. આમ, આવી રીતે આપણો દિવાળીનો તહેવાર ઉજવાતો હતો. હજુ પણ ઉજવાય જ છે, બસ રીત બદલાણી છે, માણસો બદલાયા છે.
શરદ પૂર્ણિમા સ્પેશિયલ 🌝🌕 ચંદ્રની ૧૬ કળાઓ વાંચવા અહીં લિંક પર ક્લિક કરો - https://vishakhainfo.wordpress.com/2026/10/25/sharad-purnima-special/ Read & Share #sharadpurnima #mustread #knowledgesharing #blog #informative
વેબ ગુર્જરી પર પ્રકાશિત થયેલ મારો લેખ... સભ્ય સંસ્કૃતિથી શરૂ થયેલી એક એવી માટીકામ કલા, જે આજે એના આધુનિક અંદાજમાં જોવા મળે છે. ચીનમાં તો માટીના બનેલા ચીની યોદ્ધાઓની આખેઆખી ફોજ મળેલી છે. ટેરાકોટ્ટા માટીકામ કલા by Vishakha Mothiya લેખ વાંચવા અહીં લિંક પર ક્લિક કરો - https://webgurjari.com/2026/10/13/terra-cotta/?shem=aimgspe, વાંચો અને શેર કરો #terracottaart #mustread #knowledgesharing #gujaratigk
ક્યારેય સપનામાં પણ નહોતું વિચાર્યું કે મારા Writing ને આટલી મોટી હસ્તીઓના હાથે એવોર્ડ મળશે. તા. 26 સપ્ટેમ્બર,2026 નાં રોજ અમદાવાદ ખાતે આયોજિત થયેલા Valiant Creator Meet & Awards 2026 સમારોહમાં મને વેલિયન્ટ બ્રાન્ડ એમ્બેસેડર અને પૂર્વ ક્રિકેટર વિપુલ નારીગરા, ઈન્ડિયન ક્રિકેટર રિશી ધવન અને એશિયન ગેમ્સ ગોલ્ડ મેડાલિસ્ટ સરીતા ગાયકવાડના હસ્તે Valiant Creator Spotlight Award મળ્યો. કહેવાય છે કે ભગવાન ડાયરેક્ટ મદદ કરવા નથી આવતા, એટલે એ એના કોઈ ફરિશ્તાને મોકલે છે.ક્રિકેટર વિપુલ સર નારીગરા મારા ક્રિએટિવ ટેલેન્ટના રેકગ્નિશન માટે એક ફરિશ્તા બનીને આવ્યા. ખૂબ ખૂબ આભાર 🙏 વિપુલ સર મારી ક્રિએટિવિટીને એનું ડિઝર્વિંગ રેકગ્નિશન, આ Valiant Creator Award ના સ્વરૂપમાં આપવા બદલ. #awards #achievements #creatoraward
L'Orél Paris Fashion Week - by Vishakha Mothiya એક એવો ફેશન શો જે સ્ત્રી સશક્તિકરણની ઉજવણી કરે છે.જે તમને સંદેશો આપે છે કે તમે કોઈ પણ સ્કિન ટોન સાથે કોઈ પણ ઉંમરે, કોઈ પણ બોડી ફિગર સાથે સુંદર દેખાઈ શકો છો.તો ચાલો જાણીએ - અત્યારના મોસ્ટ ટ્રેન્ડી ટોપિક એવા L'Orél Paris Fashion Week વિશે.સાથે જાણીશું તેની શરૂઆત, હેતુ અને વિશેષ બાબતો વિશે. વધુ વાંચવા માટે અહીં લિંક પર ક્લિક કરો - https://vishakhainfo.wordpress.com/2026/10/01/loreal-paris-fashion-week/ Read & Share #fashionshow #lorealparisfashionshow #blogging #knowledgeispower #informative #womenempowerment #gujaratiblog
વેબ ગુર્જરી પર પ્રકાશિત થયેલ મારો લેખ... એક એવી છત્રી જે તડકા - વરસાદથી તો બચાવે જ છે, પરંતુ તે ત્યાંની પરંપરા સાથે પણ જોડાયેલી છે. આ ઉપરાંત તે સ્ટાઇલ આઇકોન તરીકે પણ ઓળખાય છે. વાગાસા - પારંપરિક જાપાની છત્રી વાંચવા માટે અહીં લિંક પર ક્લિક કરો - https://webgurjari.com/2026/09/08/wagasa-the-traditional-umbrell-of-japan/ વાંચો અને શેર કરો
આપણા હિન્દુ ધર્મમાં જેમ ત્રિશૂળ, ૐ, સ્વસ્તિક વગેરે છે તેવી જ રીતે ઇજિપ્શિયન માયથોલોજીમાં પણ એક એવું પ્રતીક છે જેને જીવનદાતા તેમજ અમરત્વ તરીકે ઓળખવામાં આવે છે. તો ચાલો જાણીએ - Ankh ~ આંખ અથવા એંખ વિશે. Ankh | Ancient Egyptian's Sacred Symbol વાંચવા અહીં લિંક પર ક્લિક કરો - https://vishakhainfo.wordpress.com/2026/09/05/ankh-egyptian-symbol/ વાંચો અને શેર કરો... #ancientworld #egyptianhistory #informative #knowledgesharing #blogging
આજથી શરૂ થતા સાતમ આઠમ તહેવારની શુભકામનાઓ 🙏 જેવો સાતમ આઠમનો તહેવાર આવે એટલે આજે પણ ચહેરા પર પહેલા જેટલો જ હરખ આવી જાય છે. સાતમ આઠમ તહેવાર ઉજવવાની રીત ભલે થોડીક બદલાઈ ગઈ હોય, પણ તહેવાર તો આખરે તહેવાર કહેવાય.બાળપણની સાતમ આઠમ વખતે જે પારંપરિક જમવાનું મેનુ બનાવતા,તે આજે પણ બનાવીએ જ છીએ. તહેવાર એનો એ જ છે, બસ આપણે મોટા થઈ ગયા છે. બાળપણની સાતમ આઠમ એટલે મીની વેકેશન, નાગ પાંચમથી પારણા નવમી સુધીનું. સાતમ અને આઠમ બંને દિવસે મેળો હોય છે. બે મેળા હોવાથી,મેળામાંથી કયું રમકડું લેવાનું છે એ અગાઉથી નક્કી થઈ જતું. રાંધણ છઠ્ઠને દિવસે કઈ રસોઈ બનાવવાની છે ?કોણ ક્યાં કામમાં રોકાશે ? વગેરે અગાઉથી નક્કી થઈ જતું. જમવાના મેનુમાં મીઠાઈ, ફરસાણ, થેપલા - ઢેબરાં,પૂરી, રસા વગરનાં બટેટાનું તીખું અથવા ભરેલા ભીંડાનું શાક,રાયતું વગેરે રહેતું. મીઠાઈમાં લાડવા, મોહનથાળ, બરફીચૂરમુ વગેરે.અમે ખીર બનાવતા, હજુ પણ બનાવીએ છીએ.રાયતું અને થેપલા એ સાતમ - આઠમ તહેવારના કેન્દ્રસ્થાને હોય છે. આની વગરની સાતમ આઠમ અધૂરી કહેવાય.હવે સમય થોડોક બદલાયો છે એટલે અમુક નવી વસ્તુ ઉમેરાણી છે - સાતમને દિવસે સાંજે ખાવા માટે ઘણા સેન્ડવીચ, પાણીપુરી, ભેળ વગેરે રાખે છે. સાતમના મેળામાં સવારે શીતળા માતાના મંદિરે દર્શન કરી સીધા મેળામાં જતા. ચકડોળ - ચરખીમાં બેસી પછી સીધા રમકડાના સ્ટોલ પર જતા અને પછી મેળામાં થોડોક નાસ્તો કરતા. ઘરે આવીને આજુબાજુ રહેતા મિત્રો જોડે એકબીજાના રમકડાં સરખાવતા.પછી બપોરે રાંધણ છઠના પકવાન આરોગવાના. આમ કરીને આખો દિવસ પસાર થતો. બીજે દિવસે આઠમનો તો ઉપવાસ હોય છે પણ એ તો ઘરના મોટાને રહેવાનો હોય. ફરી પાછા મેળામાં જવાની તૈયારી કરવાની.આઠમનો મેળો થોડોક મોટો હોય છે. માણસોની ભીડ વીંધીને ગમે એમ કરીને નાસ્તાના સ્ટોલ પર કે ચરખી હોય ત્યાં પહોંચતા પછી ફરી પાછા રમકડાં.ઘરે આવીને રાતના બાર - એક વાગ્યા સુધી જાગવાનું, કૃષ્ણ જન્મ માટે. કૃષ્ણ જન્મની પણ ખૂબ મજા માણતા, પંજરીની પ્રસાદી વગેરે. બીજે દિવસે એટલે કે નોમને દિવસે ફૂલ આરામ કરવાનો. - વિશાખા મોઠિયા
Copyright © 2026, Matrubharti Technologies Pvt. Ltd. All Rights Reserved | Powered by Custom Web Development Company India.
Copyright © 2026, Matrubharti Technologies Pvt. Ltd. All Rights Reserved.
Please enable javascript on your browser
