Quotes by Vrishali Gotkhindikar in Bitesapp read free

Vrishali Gotkhindikar

Vrishali Gotkhindikar

@jayvrishaligmailcom
(6.4m)

Vrishali Gotkhindikar posted an update Marathi Blog
1 week ago

प्रिय शाहरुख...
आज तुझा वाढदिवस 🌹
तुला प्रिय म्हणायला काहीच हरकत नाही
एक तर तू आमच्या पुढच्या पिढीतला
त्यात आवडता...
त्यामुळे हे एकेरी संबोधन..❤️
तशी तुझ्या अभिनयाची उंची आभाळाला टेकली आहे
Tv च्या छोट्या पडद्यावरून
मागे कोणतीही पार्श्वभूमी नसताना
जी मुसंडी मारलिस त्याला तोड नाही
असंख्य ठिकाणी भरपूर मदत करणारा ज्याचा अजिबात गवगवा नाही..
Korona काळात तू स्वतःचे घर आणि सर्वांना मदत ही पुरवली आहेस
हाकला हिरो म्हणून ओळखला जाणारा तु लिलया बाहेर पडून अँटी हिरो म्हणून अनेक पिक्चर केलेस
तुझ   गालाला खळी पाडत  रोमँटिक दिलखेचक हसणे
अँटी हिरो च्या भूमिकेत तितकेच अंगाचा थरकाप उडवणारे वाटले
पत्नी गौरी सोबत संसार करताना आपल्या मुलासोबत तू पूर्ण गृहस्थी आहे
या मायावी इंडस्ट्री मध्ये कधीच कुठल्या हिरोईन सोबत तुझे लफडे ऐकिवात नाही
कुठल्याच गोष्टी वर तुझ्या काहीच कमेंट दिसत नाहीत
मुलगा ड्रग्स केस मधे अडकला तेव्हाही तू शांत राहिलास
कुणा मंत्री संत्री ची जीजी केली नाहीस
हे तुझ्या संयमित मनाचे लक्षण आहे
साठी नंतरच्या वयात सुद्धा आपल्या मुलीच्या वयाच्या हिरोईन बरोबर तू काम करतोस
इतका फिटनेस तू ठेवला आहेस
सदैव मितभाषी अर्थात वेळ पडली तर विनोद सांभाळत बोलणे
याचे श्रेय तुझा वाचन वेड्या स्वभावाला द्यायला लागेल कारण
तुझ्या हॉल मधे मोठ्या टीव्ही च्या जागी
मोठे पुस्तकांचे कपाट आहे असे मुलाखतीत ऐकले आहे
आजपर्यंत प्रत्येक पिक्चर मधील प्रत्येक वेगवेगळी भूमिका साकारताना त्या मागे ती घेतलेले कष्ट दिसून येतात
माय नेम इज खान तुझ्या अभिनयाची कमाल होती
तुझा D D L J चित्रपट तर अक्षरशः तुझ्या शिरपेच म्हणावा लागेल..
या चित्रपटांत तू अतिशय सुंदर असे सगळे युरोप दर्शन घडवले
ज्यांनी युरोप पाहिला नाही त्यांच्या मनात युरोप पाहायची इच्छा निर्माण झाली
प्रेयसीच्या शोधात पार तिच्या घरापर्यंत जाणारा हिरो...
त्या पिढीचा आयकॉन ठरला
अनेक प्रेमकहाण्या या चित्रपटामुळे घडल्या आणि यशस्वी झाल्या
ती पिढी तुला विसरूच शकणार नाही
अगदी आमच्या पिढीला सुद्धा या सिनेमाने वेड लावले
स्वित्झर्लंड इथे बर्फात तुझे आणि काजोल चे कट आउट लावलेत
त्या सोबत फोटो काढायला झुंबड उडते
आम्हीही त्यात होतोच..
तुझ्या अनेक भूमिका विषयी लिहायच म्हणले तर वेळ कमी पडेल
तुला वाढदिवसाच्या खूप शुभेच्छा🎉
असेच अनेक वेगवेगळ्या भूमिकेतून आम्हाला भेटत रहा..
स्काय इज द लिमिट फॉर यू..

Read More
Vrishali Gotkhindikar posted an update Marathi Blog
3 week ago

#उपवास_स्पेशल

🌾वरई (भगर)चे उप्पीट

🌾 साहित्य
एक लहान वाटी वरई
दोन हिरव्या मिरच्या
एक बटाटा
दोन चमचे तूप
जीरे
अर्धा वाटी भाजलेल्या दाण्याचे कुट
एक मोठे आमसूल

🌾कृती
बटाटा घुवून त्याच्या फोडी करणे
तुपात या बटाट्याच्या फोडी प्रथम तळून घेणे
थोडा तपकिरी रंग आला की खाली काढून ठेवणे
(बटाट्याच्या फोडी कच्च्या घातल्या तरी चालतात )

🌾तुपात जिरे मिरची घालुन मिरचीचा रंग थोडा पालटला की
वरई चांगली मंद आचेवर भाजून घेणे

🌾यानंतर त्यात तीन ते साडे तीन वाट्या गरम पाणी घालणे
उकळी आली की अर्धी वाटी दाण्याचे कुट
एक मोठे आमसूल
चवी नुसार मीठ
(आवडत असल्यास एक चमचा साखर)
तळलेल्या बटाट्याच्या फोडी घालून
सारखे करून घेणे

🌾यातले पाणी आटत आले की गॅस बंद करून दहा मिनिटे झाकण ठेवून देणे
दणदणीत वाफ येते

🌾तयार उप्पीट वर कोथिंबीर व ओले खोबरे घालणे
वरई शिजताना भरपुर पाणी पिते
उप्पीट छान मऊ होते
उपासाला हा पोटभरू प्रकार आहे😊

Read More
Vrishali Gotkhindikar posted an update Marathi Poem
4 week ago

कविता

काहीतरी कारण काढुन तुझी ओळख करुन घेणं...
ओळख झाल्यावर तुझ्या घरासमोरुन..सतराशे साठ चकरा मारणं...
तुझ्या घरी यायला मिळावे म्हणुन...
तुझ्या "बोअर"..भावाची "भंकस" ऐकुन घेणं..
तुझ्या बरोबर रहाण्यासाठी....
तुझ्या बहीणीचे" फालतु " नखरे" सहन करणं!!!
तुझे लक्ष नसताना.तास न तास तुझ्याकडे पहात रहाणं..
तुझे "मधाळ" बोलणं..
बोलताना मानेला हळुच..झटका देणं..
आणी माझ्याकडे ..तिरप्या नजरेनं.पहाणं..
या सार्या" घायाळ.'..करणार्या तुझ्या अदा गुपचुप सहन करणं..!!
हे सारं..सारं... मी का करतोय.....
कधी कळेल का ग याचं कारण तुला ..???
वृषाली

Read More
Vrishali Gotkhindikar posted an update Marathi Blog
4 week ago

#रोजचाच_स्वयंपाक

🌿पोकळ्याची भाजी
आणि देठी

🌿पोकळा ही तांदुळजा, माठ आणि राजगिरा यांच्याशी साधर्म्य असणारी एक पालेभाजी आहे.काही भागात याला पोकळी या नावाने ओळखतात
पोकळा प्रामुख्याने खान्देशातील धुळे नंदुरबार आणि जळगाव तसेच कोल्हापूर या ठिकाणी आढळतो.
हिरवा पोकळा व तांबडा पोकळा असे या पालेभाजीचे दोन प्रकार आहेत.

🌿पोकळा थंडावा देणारा,सहज पचन होणारा भूक वाढविणारा व त्रिदोशनाशक आहे.
भरपुर लोह आणि प्रथिनांचा साठा असणारी ही चवीष्ट पालेभाजी आहे

🌿कोल्हापुरात पोकळ्या ची भाजी अतीशय ताजी आणि अगदी बारा महिने मिळते
लाल पोकळ्याच्या लाल देठाची देठी म्हणजे एक प्रकारची कोशिंबीर केली जाते
🌿या भाजीची चव भाकरी सोबत खाल्ली असता द्विगुणित होते
भाकरी करून झल्यावर त्याच तव्यात ही भाजी फोडणीला टाकायची
🌿शक्यतो पालेभाजी लोखंडी तव्यात केली असता भाजीचे पोषणमूल्य व चव दोन्ही वाढते

🌿भाजीसाठी
एक पेंडी पोकळ्याची
एक मोठा कांदा
पाच सहा लसूण पाकळ्या
फोडणीचे साहितय
तिखट, मीठ ,हळद

🌿कृती

प्रथम पोकळ्याची भाजी निवडून स्वच्छ धुवून घेणे
व नंतर चिरुन घेणे
ही भाजी फार बारीक चिरायची नाही
(शिजायला अत्यंत सोपी असल्याने काही ठिकाणीं ही भाजी न चिरता अख्खी पाने सुद्धा फोडणीला टाकतात )

🌿कांदा चिरून लसूण बारीक तुकडे करून घ्यावा
पसरट तव्यात तेल घालून हींग मोहरीची फोडणी करून त्यात प्रथम लसूण थोडा परतून नंतर कांदा घालावा

🌿कांदा थोडा पारदर्शक झाला की चिरलेली भाजी घालावी
भाजी पाच सात मिनीटे नुसती हलवली की छान शिजते

🌿यावर झाकण ठेवायची गरज नाहीं
शिजली की तिचा रंग बदलतो व आकारमान कमी होते
एका पेंडी भाजी शिजल्यावर एक ते दीड वाटी होते

🌿देठी

साहित्य
भाजीची देठे आठ दहा
एक मोठा चमचा दाण्याचे कुट
अर्ध चमचा साखर
दोन मिरचीचे तुकडे
मोहरी हींग हळद

🌿याच भाजीची निवडताना पाने काढल्यावर जे देठ राहतात त्याची देठी करता येते
यासाठी देठ फार बारीक अथवा फार जाड नसावेत

🌿ह्या लाल देठांचा बुडखा कापून
उरलेल्या देठाच्या शिरा सोलून घ्यायच्या
देठ निबर नसतील तर शिरा पण जास्त निघत नाहीत
या पोकळ्याच्या देठांचे चिरुन तुकडे करायचे

🌿तुकडे सुद्धा फार बारीक नकोत मध्यम करायचे
पातेल्यात हे तुकडे बुडतील इतकेच पाणी घालून झाकण ठेवून शिजवून घ्यायचे
पाच मिनीटात शिजतात

🌿परत पाच मिनीटे झाकण काढायचे नाही
शिजलेले तुकडे गार झाले की
एक चमचा दाण्याचे कुट
अर्धा चमचा साखर चवीपुरते मीठ घालायचे

🌿छोट्या कढल्यात मोहरी, हींग घालून फोडणी करायची दोन मिरचीचे तुकडे व किंचित हळद घालून
ही फोडणी शिजलेल्या देठांच्या तुकड्यावर घालायची

🌿बारीक चिरलेली कोथींबीर व
दोन तीन चमचे दही घालून चांगलें कालवून घ्यायचे
अतीशय चवदार देठी तयार होते

Read More
Vrishali Gotkhindikar posted an update Hindi Blog
4 week ago

पालक चीज गाजर पराठा

epost thumb
Vrishali Gotkhindikar posted an update Marathi Blog
1 month ago

🍂गुजराती हांडवो..🍂

🍂साहित्य

हरबरा
मूग
मसूर
उडीद डाळ.. प्रत्येकी अर्धी वाटी
पाव वाटी तुर डाळ
एक चमचा मेथी
एक वाटी दही

🍂रात्रीसर्व डाळी भिजत ठेवल्या
सकाळी सरबरीत वाटताना त्यात मिरची जीरे घातले
वाटलेल्या पिठात एक चमचा ओवा एक चमचा बडीेशेप बारीक चिरलेली कोथिंबीर
गाजर किस एक वाटी
दुधी भोपळा किस एक वाटी
लाल भोपळा कीस एक वाटी
(हे सगळे कीस ऐच्छिक आहेत उपलब्ध असलेले घातले तरी चालते)
एक वाटी दही घालून दोन तास बाजूला ठेवलें
चवीप्रमाणे मीठ घालून मिश्रण एकत्र केले
🍂
त्यात तीळ जीरे मोहरी कढीलिंब फोडणी घातली व सारखे केले
एका पॅन मध्ये परत फोडणी करून
त्यात हे मिश्रण ओतले
कडेने तेल सोडून झाकून ठेवले

🍂दहा मिनिटात एक बाजु भाजुन होतें
उलथन्याच्या सहायाने उलटून परत झाकण ठेवले

🍂खालची बाजू पुर्ण भाजल्यावर
एका ताटलीत काढले
गार झाल्यावर तुकडे केलें
सोबत दही अथवा एखादी पातळ चटणी छान लागते

🍂पोटभरू चवदार पौष्टिक प्रकार

Read More
epost thumb
Vrishali Gotkhindikar posted an update Marathi Blog
1 month ago

🍂रताळ्याचे काप
उपवास स्पेशल

🍂साहित्य
चार रताळी
दोन चमचे तूप
अर्धी वाटी गूळ
वेलदोडे पावडर

🍂कृती
रताळी स्वच्छ धुवून त्याचे थोडे जाडसर काप करून घ्यावे
हे काप पाण्यात टाकून ठेवावे
पॅन मधे दोन चमचे तूप घालुन
तूप गरम होताच हे काप पाण्यातून काढून स्वच्छ पुसून
तुपात टाकावे

🍂थोडे परतून झाकणं ठेवावे
अधून मधू हलवत रहावे
थोडा सोनेरी रंग येईपर्यंत परतावे
थोड्याच वेळात रताळी शिजतात व खमंग वास सुटतो..😋
काट्याने टोचून रताळे शिजले का बघावे
रताळी शिजताच आर्धी वाटी गूळ घालून एकत्र परतावे

🍂गूळ विरघळून थोडा घट्ट होत आला की वेलदोडे पावडर घालावी
दोन मिनीटे गॅस बंद करून झाकण ठेवावे
व नंतर खायला घ्यावे

Read More
Post by Vrishali Gotkhindikar on 09-Oct-2026 07:41am
Vrishali Gotkhindikar posted an update Marathi Blog
1 month ago

मश्रुम बटर मसाला
मश्रुम..
व्हिटॅमिन डी
बी 12
अणि कॅल्शियम चा जबरदस्त स्त्रोत..

कृतीच्या नावात जरी मसाला असले तरी फार मसालेदार नाही
बटण मश्रुम (जे बाजारात अथवा डी मार्ट मध्ये उपलब्ध असते..)आठ ते दहा
एक मोठा कांदा
एक 🍅 टॉमॅटो
गरम मसाला अर्धा चमचा
एक छोटा चमचा जिरे
कसुरी मेथी एक चमचा
तिखट एक चमचा
हळद अर्धा चमचा
साखर पाव चमचा
मीठ चवीनुसार
प्रथम मश्रुम धूवून त्यांचे देठ काढून टाका
मश्रुम चार चार उभे तूकडे करून घ्या
कांदा 🍅 टोमॅटो उभे चिरून घ्या

एका पॅन मध्ये दोन मोठे चमचे बटर घाला
बटर वितळले. सुगंध घरभर पसरला की
त्यात एक चमचा जिरे घाला
उभा चिरलेला कांदा घाला
कांदा थोडाच परातून
वर कसुरी मेथी घालावी
त्यानंतर टॉमॅटो च्या उभ्या फोडी घालून दोन मिनिट परतावे
आता हळद मीठ गरम मसाला तिखट घालून
चांगले परतून घ्यावे
मश्रुम तूकडे घालून पुर्ण मसाला त्याला लागेल असे परतावे
त्यावर झाकण ठेवण्यापूर्वी फक्त पाण्याचा एक हबका मारावा
दोन मिनिट झाकणं ठेवताच मश्रुम शिजतो
झाकणं काढून आवडत असल्यास पाव चमचा साखर घालावी परत थोडे एकत्र करावे
वरती कोथिंबीर घालावी
गरम गरम खायला घ्यावें
सोबत ब्रेड अथवा पोळी, पराठा मस्त लागतो
अत्यांत चविष्ट कमी वेळात होणारी एक पौष्टीक डिश 😊

Read More
Post by Vrishali Gotkhindikar on 07-Oct-2026 09:34am
Vrishali Gotkhindikar posted an update Marathi Blog
1 month ago

कोथिंबीर आणि भाज्यांचे कबाब

epost thumb
Vrishali Gotkhindikar posted an update Marathi Blog
1 month ago

🌱हिरव्या मुगाचा डोसा

🌱साहित्य
एक वाटी अख्खे हिरवे मूग
दोन मिरच्या
जिरे
मीठ चवीनुसार
किसलेले चीज
कोथिंबीर
बारीक चिरलेला कांदा
गाजर कीस

🌱कृती
एक वाटी मूग स्वच्छ धुवून पाच ते सहा तास भरपूर पाणी घालून भिजवून ठेवा
मुगाच्या वरती एक बोट तरी पाणी हवे

🌱भरपुर भिजल्यावर मिरची जीरे घालून शक्यतो भिजवलेले पाणी वापरून बारीक वाटुन घ्या व बाजूला झाकुन ठेवा

🌱अर्ध्या तासाने जरूर असल्यास थोडे पाणी
व चवीनुसार मीठ घालून डोसे घाला

🌱 डोशावर गाजर कीस, कांदा व कोथिंबीर पसरुन घडी घालून घ्या

सोबत टोमॅटो सॉस..

🌱हा डोसा छान कुरकुरीत होतो 😋

Read More
Post by Vrishali Gotkhindikar on 01-Oct-2026 09:21am

    Download Our App :

Copyright © 2026,   Matrubharti Technologies Pvt. Ltd.   All Rights Reserved | Powered by  Custom Web Development Company India.

Copyright © 2026,  Matrubharti Technologies Pvt. Ltd.   All Rights Reserved.