Quotes by ડૉ.હેમાક્ષિ ભટ્ટ દર્શીનાક્ષી in Bitesapp read free

ડૉ.હેમાક્ષિ ભટ્ટ દર્શીનાક્ષી posted an update Gujarati Blog

સતત કોઈને ખુચતું બીજાનું ક્યારેક ને વળી ક્યારેક કોઈ ઝંખતું પોતાનું મહત્ત્વ,
ક્યારેક કોઈને લાગતું એ ભેંકાર શુન્યતા અને કોઈ માટે તો હૈયાને નિરાંત

પળેપળ એની અનુભૂતિ ભિન્ન સૌ માટે ને નોખો એનો લગાવ,
કોણ જાણે કેમ કોઈને ખૂબ વ્હાલું ને કોઈને માટે આકરી સજા એકાંત!!

સાથી,મિત્ર,સ્વજન ને સ્નેહી એવા બહુવિધરૂપે સૌ હડસેલતા આ એકાંતને,
પ્રેમ,સહકાર, આપ્તજનના સ્નેહને સૌ ચાહતા, ઝંખતા હૈયાની નિરાંતને

ગમતું ઘડી બેઘડી કોઈકને "સ્વ"ને ઓળખવા માટે કદાચ પણ
આબાલવદ્ધ સૌ કોઈ ઝંખતા સતત પોતિકાઓનો સથવારો

સુખનો સહિયારો દસ્તાવેજ અને દુઃખમાં પામે નિરાંત
એકમેકને હૈયાધારણ ક્યારેક ને ક્યારેક મળે હર્ષાશ્રુ

અનુભવ્યા પછી જ અસહ્ય લાગે, નથી એમાં નિરાંત
વિરહની વેદના વસમી લાગે સૌ કોઈને, અપ્રિય લાગે એકાંત!!

-ડૉ.હેમાક્ષિ ભટ્ટ દર્શીનાક્ષી

620 Views

8 others like this post.

ડૉ.હેમાક્ષિ ભટ્ટ દર્શીનાક્ષી posted an update Gujarati Blog

6 year ago

મારા માટે મનગમતી ક્ષણો એટલે પોતીકા વ્યક્તિઓના નિઃસ્વાર્થ પ્રેમ નો અવિરત વરસાદ. હજુ માંડ માંડ એક બે ડગલાં ચાલતા આવડ્યું હોય ત્યાં જરાક અમથું વાગી જાય ને આપણા બોલાવ્યા પહેલા મમ્મીએ ઊભાં કરીને ફુંક મારી ને ફરી વ્હાલથી દોડતાં કરી દીધા હતા એ યાદ.મનગમતી ક્ષણો એટલે પોતાના માટે કંઈ લેવા ભેગા કરેલાં પૈસામાંથી પપ્પાએ અપાવેલ મનગમતી ગેમ. મનગમતી ક્ષણો એટલે નાનો હોવાં છતાં પોતાની પોકેટમની ના પાઈ પાઈ ભેગા કરીને તેમાંથી ભાઈ એ લાવી આપેલ ભેંટ. નાની અમથી વાતમાં મોટો ઝઘડો કરી લીધા પછી પણ એકબીજાને સાથે જમવા બોલાવતા ભાઈ બહેન કે મિત્રો. મનગમતી ક્ષણો એટલે પ્રથમ દ્રષ્ટિએ જ મનમાં વસી ગયેલા પ્રિયતમની હકારસુચક મુગ્ધ સ્માઈલ. ભીડ પડ્યે વણ બોલાવ્યે મદદ માટે દોડી આવતા મિત્રોનો સાથ.મનગમતી ક્ષણો એટલે લગ્ન પછી પ્રથમ વાર રસોઈ બનાવતી વખતે અચાનક જ બાહુપાશમાં જકડી લેતાં પતિ નો સ્પર્શ..ક્યારેક બહાર જતાં કોઈ અસહાય ધ્રુજતાં ઘરડાં માજીને હાથ ઝાલીને રસ્તો પાર કરાવી આપીએ ત્યારે મળતા એના અંતર નાં આશીર્વાદ. મનગમતી ક્ષણો એટલે નાની નાની વાતો માંથી મળતી આવી અગણિત ખુશીની પળો અને તેમને યાદ કરતા જ મળતો સુખદ અનુભવ....

616 Views

11 others like this post.

ડૉ.હેમાક્ષિ ભટ્ટ દર્શીનાક્ષી posted an update Gujarati Blog

6 year ago

#પશુ
કૃષ્ણ,કાનુડો તું વનમાળી,
ગોકુળમાં ગાયો ચારી ને વાંસળી ખુબ વગાડી,
ભક્તવત્સલ બની તમે સૌની અરજી સ્વીકારી,
ત્રાહી ત્રાહિ કરીને પોકારે તમને સૌ, વ્હારે આવજો અમારી,
પ્રભુ!આ કળિયુગમાં તો શાસકો છે ભ્રષ્ટાચારી,
લોકો બન્યા છે દુરાચારી ને વ્યભિચારી,
રડ્યા ખડ્યા મુઠ્ઠીભર સજ્જનો કરતા સૌની લાચારી,
પશુઓ મુંગા,ગાય અને સ્ત્રીઓ પામ્યાં હાલત બિચારી,
નિત્ય નિરંતર તેમને સૌ ત્રાસ પમાડતા અત્યાચારી,

જો આવ હવે તું ધરતી પર તો ખુબ કરજે તું તૈયારી,
પ્રભુ!અહીં ડગલે ને પગલે પરિક્ષા લેવાશે બહુ ભારી,
કોરોના પહેલાથી જ અહી સૌ દંભનો માસ્ક પહેરીને ફરે છે,
મોઢે મીઠી વાતો કરી એકમેકને સૌ પીઠમાં ખંજર ધરે છે,
પહેલા આ ધરતીને બનાવ તું ગોકુળ,મથુરા વૃંદાવન,
તો જ અહીં ટકી શકશે હવે માનવજીવન ...

માનવ મટીને બનેલા દાનવને માર્ગ ચીંધવા ,
"સંભવામિ યુગે યુગે" ને યથાર્થ કરવા,
વ્હારે આવો ગિરધારી તમે પાપીઓનો નાશ કરવા,
મોડું ન કરો હવે આ કપરી વેળા માંથી ઉગારવા...🙏🙏🙏

688 Views

15 others like this post.

ડૉ.હેમાક્ષિ ભટ્ટ દર્શીનાક્ષી posted an update Gujarati Blog

6 year ago

#આક્રમણ
આક્રમણ જ્યારે વિચારો તારા કરે મુજ મન વ્યગ્ર પર,
અસહ્ય વેદના અને અવ્યક્ત લાગણીઓનું ઘોડાપુર ઉમટે,
વ્યથિત મન,ને ઉદાસ ચહેરે પણ પ્રેમનો તરવરાટ અનુભવાય,
એ ક્ષણ માટે તારી યાદ માત્ર સક્ષમ છે મુજને સમૂળગી ભૂલવા માટે...

886 Views

33 others like this post.

ડૉ.હેમાક્ષિ ભટ્ટ દર્શીનાક્ષી posted an update Gujarati Blog

6 year ago

#બહુવિધ
કોરોનાકાળમાં માસ્ક આવ્યો પણ માણસના બહુવિધ ચહેરાઓ તો સમયે સમયે ગરજ અને મતલબ મુજબ પ્રગટ થયા કરે જ છે.

727 Views

31 others like this post.

ડૉ.હેમાક્ષિ ભટ્ટ દર્શીનાક્ષી posted an update Gujarati Blog

6 year ago

#ચુંબક
કર્મોનું ચુંબક,
રખે પીછો છોડતું
ચેત માનવી

885 Views

36 others like this post.

ડૉ.હેમાક્ષિ ભટ્ટ દર્શીનાક્ષી posted an update Gujarati Book-Review

6 year ago

ડૉ.હેમાક્ષિ ભટ્ટ દર્શીનાક્ષી લિખિત વાર્તા "એકમેકનાં સથવારે ભાગ ૩" માતૃભારતી પર ફ્રી માં વાંચો
https://www.matrubharti.com/book/19890909/along-with-eachother-3
આપના કિમતી પ્રતિભાવ આપવાનું ચૂકશો નહીં...