આર્કિટેક્ચરલ અજાયબીઓની પ્રશંસા કરવાનો દિવસ એટલે રાષ્ટ્રીય ગગનચુંબી ઈમારત દિવસ કે આંતરરાષ્ટ્રીય સ્કાયસ્ક્રેપર દિવસ દર વર્ષે આજના દિવસે 3 સપ્ટેમ્બરે ઉજવાય છે. જે આધુનિક સિટીસ્કેપ્સને વ્યાખ્યાયિત કરે છે અને તે જબરજસ્ત બાંધકામ પાછળની એન્જિનિયરિંગ અને ડિઝાઇનની ઉપલબ્ધિઓને સમ્માનિત છે.દુનિયાના પ્રખ્યાત ડિઝાઇનર, આલોચક અને મેંટોર તરીકે ઓળખાતા લુઇસ એચ. સુલિવાનની જયંતી તરીકે ઉજ્વવામાં આવે છે. તેનો જન્મ 3 સપ્ટેમ્બર, 1856માં મેસાચુસેટ્સમાં થયો હતો. તેમને 'આધુનિક ગગનચુંબી ઇમારતોના પિતા'તરીકે ઓળખાય છે. દુનિયાની પહેલી ગગનચુંબી ઇમારત તેમણે વર્ષ 1885માં શિકાગો શહેરમાં બનાવી હતી, જે 10 માળની અને 137 ફુટ (42 મીટર) ઉંચી હતી. તે સમયે આ 10 માળની ઇમારત બાંધણી કોઇ અજાયબીથી ઓછું ન હતું.
સપ્ટેમ્બર 3, 1856ના જન્મેલા લુઈસ હેનરી સુલિવાન એક અમેરિકન આર્કિટેક્ટ હતા, અને તેમને "ગગનચુંબી ઈમારતોના પિતા"અને "આધુનિકતાના પિતા" તરીકે ઓળખવામાં આવે છે.તેઓ પ્રભાવશાળી આર્કિટેક્ટ હતા. શિકાગો સ્કૂલના, ફ્રેન્ક લોયડ રાઈટના માર્ગદર્શક, અને શિકાગોના આર્કિટેક્ટ્સના જૂથ માટે પ્રેરણા જેઓ પ્રેરી સ્કૂલ તરીકે ઓળખાય છે. રાઈટ અને હેનરી હોબસન રિચાર્ડસન સાથે, સુલિવાન "અમેરિકન આર્કિટેક્ચરની માન્યતા પ્રાપ્ત ટ્રિનિટી" પૈકીના એક છે. 1890માં, સુલિવાન યુ.એસ.ના દસ આર્કિટેક્ટ્સમાંના એક હતા, પાંચ પૂર્વમાંથી અને પાંચ પશ્ચિમમાંથી, 1893માં શિકાગોમાં આયોજિત વિશ્વના કોલમ્બિયન પ્રદર્શન, "વ્હાઇટ સિટી" માટે મુખ્ય માળખું બનાવવા માટે પસંદ કરવામાં આવ્યા હતા.1944માં, મરણોત્તર AIA ગોલ્ડ મેડલ મેળવનાર સુલિવાન બીજા આર્કિટેક્ટ હતા. જેમનું મૃત્યુ એપ્રિલ 14, 1924ના થયું હતું.
ગગનચુંબી ઈમારતની કોઈ નિશ્ચિત વ્યાખ્યા નથી, પરંતુ સામાન્ય રીતે ગગનચુંબી ઈમારતો 100-150 મીટર કે તેથી વધુ ઊંચાઈની હોય છે અથવા તે 40 માળ સુધીની હોય છે.
ઊંચી ઈમારતોની યાદીમાં એક ગગનચુંબી ઈમારત પણ છે જે ઘર જેટલી નાની છે અને અન્ય ગગનચુંબી ઈમારતોની સરખામણીમાં બાળક જેવી લાગે છે. વિશ્વની સૌથી નાની ગગનચુંબી ઈમારતનું નામ ન્યુબી-મેકમોહન બિલ્ડીંગ છે. આ ઈમારત અમેરિકાના ટેક્સાસના વિચિટા ફોલ્સ શહેરમાં આવેલી છે.આ દિવસોમાં સુરતમાં એક ઓફિસ ચર્ચામાં છે જે વિશ્વની સૌથી મોટી ઓફિસ બની ગઈ છે. આ ઈમારત અમેરિકાના ટેક્સાસના વિચિટા ફોલ્સ શહેરમાં આવેલી છે.આ ઈમારત માત્ર 4 માળની છે અને તેની ઉંચાઈ માત્ર 4 ફૂટ છે. તો હવે સવાલ એ થાય છે કે જો આટલી નાની ઇમારત હોય તો તેને ગગનચુંબી ઇમારત કેમ કહેવાય તેની રસપ્રદ વાત જાણીએ તો, વાસ્તવમાં, 1918માં ટેક્સાસમાં પેટ્રોલિયમ ભંડારની શોધ થઈ હતી. ત્યારથી, રોકાણકારોએ નજીકના શહેર વિચિતા ધોધને વધારવા માટે ઇમારતો બાંધવામાં રોકાણ કરવાનું શરૂ કર્યું. તેમને લાગ્યું કે રોકાણ કરવાથી તેમને ઘણો ફાયદો થશે. તે જ સમયે જેડી મેકમોહન નામની વ્યક્તિ આવી અને તેણે બિલ્ડિંગ બનાવવાનો કોન્ટ્રાક્ટ લીધો. તેની કન્સ્ટ્રક્શન ફર્મ હતી.પરંતુ દરેક જણ જાણતા ન હતા કે તે ઠગ પણ હતો. જ્યારે તેને બિલ્ડિંગની બ્લુ પ્રિન્ટ મંજૂર થઈ ત્યારે તેણે બિલ્ડિંગને 480 ઇંચ ઊંચું બનાવવાની વાત કરી. 480'' એટલે ઇંચ 480'' એટલે ફીટ. તેણે ચતુરાઈથી નંબર પહેલાં બે લીટીઓ ઉમેરી. જ્યારે રોકાણકારોએ બ્લુપ્રિન્ટ વાંચી ત્યારે તેઓએ આ લાઈનો પર ધ્યાન ન આપ્યું, તેથી તેઓ ઈંચ-પગમાં ફસાઈ ગયા અને બ્લૂ પ્રિન્ટને મંજૂરી આપી.મેકમોહને તે સમયગાળામાં રોકાણકારો પાસેથી રૂ. 1.6 કરોડનું રોકાણ લીધું હતું, જે આજના સમયમાં રૂ. 24 કરોડ સુધી છે. પરંતુ આ પૈસાને બદલે તેણે એક નાનકડી ઈમારત બનાવી, જેને જોઈને બધા દંગ રહી ગયા. બધાને ખબર પડી ગઈ હતી કે તેમના પૈસા ડૂબી ગયા છે. મેકમોહન સામે કોર્ટ કેસ દાખલ કરવામાં આવ્યો હતો, પરંતુ તે આસાનીથી જીતી ગયો હતો કારણ કે બ્લુપ્રિન્ટને યોગ્ય રીતે ન વાંચવા બદલ રોકાણકારોની ભૂલ હતી. આજદિન સુધી આ ઈમારત શહેરના લોકો માટે આંખે ઉડીને આંખે વળગે તેવી રહી છે.
વિશ્વની 10 સૌથી મોંઘી ગગનચુંબી ઇમારતો જેની કિંમત અને ઊંચાઈ પર સમગ્ર વિશ્વની નજર રહે છે.વિશ્વના દરેક ખૂણામાં ગગનચુંબી ઇમારતો અને વિશાળ ઇમારતો છે, તેમની સુંદરતા અને આર્કિટેક્ટને બહારથી કે અંદરથી અદભૂત હોય છે:
1. અબરાજ અલ બૈત, મક્કા, સાઉદી અરેબિયા: સાઉદી અરેબિયાના પવિત્ર શહેર મક્કામાં આવેલી આ 120 માળની હોટેલ વિશ્વની સૌથી મોંઘી ગગનચુંબી ઈમારત છે. આ ઇમારતનું મૂલ્ય 15 બિલિયન US ડોલર છે. 15,00,000 ચોરસ મીટરના ફ્લોર એરિયામાં ફેલાયેલી આ હોટેલમાં 1,00,000 લોકો બેસી શકે છે. આ હોટેલ સત્તાવાર રીતે 2012માં ખોલવામાં આવી હતી. આ લક્ઝરી હોટેલનું બાંધકામ 2004માં શરૂ કરવામાં આવ્યું હતું અને તેને પૂર્ણ થતાં આઠ વર્ષ લાગ્યા હતા. 601 મીટરની ઉંચાઈ પર, અબરાજ અલ બેત વિશ્વની સૌથી ઊંચી હોટેલ છે.
2. મરિના બે સેન્ડ્સ, મરિના બે, સિંગાપોર: અત્યાર સુધીનો સૌથી મોંઘો સંકલિત રિસોર્ટ છે. આ ઇમારતનું મૂલ્ય 5.5 બિલિયન US ડોલર છે.તે સિંગાપોરના સૌથી લોકપ્રિય પ્રવાસી આકર્ષણોમાંનું એક છે. સિંગાપોરની આ પ્રતિષ્ઠિત ઇમારત 15.5 હેક્ટર વિસ્તારમાં આવેલી છે. બિલ્ડિંગમાં રેસ્ટોરાં, એક હોટેલ, પ્રદર્શન કેન્દ્ર, થિયેટર, રિટેલર્સ અને મનોરંજન સ્થળોનો સમાવેશ થાય છે. મરિના બે સેન્ડ્સમાં ત્રણ 55 માળની ઇમારતો છે.
3. રિસોર્ટ્સ વર્લ્ડ સેન્ટોસા, સિંગાપોર: આ ઇમારતનું મૂલ્ય 4.93 બિલિયન US ડોલર છે.તે વિશ્વનો ત્રીજો સૌથી મોંઘો કેસિનો છે. તે 49 હેક્ટર વિસ્તારમાં ફેલાયેલું છે. આ સંકલિત રિસોર્ટમાં હોટલ, રિસોર્ટ, કેસિનો અને અન્ય ઘણી મનોરંજન સુવિધાઓનો સમાવેશ થાય છે. તેમાં ચાર હોટલ છે અને કેસિનો 15,000 ચોરસ મીટર વિસ્તારમાં ફેલાયેલો છે. આ રિસોર્ટમાં એક મરીન લાઈફ પાર્ક છે જે વિશ્વનું સૌથી મોટું ઓશનેરિયમ છે (એક વિશાળ દરિયાઈ માછલીઘર જેમાં દરિયાઈ પ્રાણીઓ રાખવામાં આવે છે). તેમાં 100,000 સમુદ્રી જીવો રહે છે.
4. અમીરાત પેલેસ, અબુ ધાબી, સંયુક્ત આરબ અમીરાત: સાત સ્ટાર અમીરાત પેલેસ વિશ્વની બીજી સૌથી મોંઘી હોટેલ છે. આ ઇમારતનું મૂલ્ય 3.90 બિલિયન US ડોલર છે.તે 2005માં ખોલવામાં આવ્યું હતું. આ હોટેલ 8,50,000 ચોરસ મીટર વિસ્તારમાં ફેલાયેલી છે. આ હોટેલમાં તમને 302 રૂમ, 2500 વાહનો માટે પાર્કિંગ એરિયા, હેલિપેડ અને ઘણું છે.
5. કોસ્મોપોલિટન ઓફ લાસ વેગાસ, લાસ વેગાસ, યુનાઇટેડ સ્ટેટ્સ: 52 માળનું લક્ઝરી રિસોર્ટ કમ કેસિનો છે. આ ઇમારતનું મૂલ્ય 3.90 બિલિયન US ડોલર છે. રિસોર્ટમાં 2 બિલ્ડીંગ છે. આ ભવ્ય રિસોર્ટમાં 3,000 રૂમ, 1,10,000 ચોરસ ફૂટનો મેગા-કેસિનો છે.
6. વન વર્લ્ડ ટ્રેડ સેન્ટર, ન્યુ યોર્ક, યુનાઇટેડ સ્ટેટ્સ: આ 104 માળનું,1451 ફૂટની સૌથી ઊંચી ઇમારત છે. આ ઇમારતનું મૂલ્ય 3.80 બિલિયન US ડોલર છે.તે મૂળરૂપે વર્લ્ડ ટ્રેડ સેન્ટરને બદલવા માટે બનાવવામાં આવ્યું હતું જે 9/11ના આતંકવાદી હુમલામાં નાશ પામ્યું હતું. તેમાં 71 માળ પર ઓફિસ સ્પેસ છે.
7. વિન રિસોર્ટ્સ, લાસ વેગાસ, યુએસએ: આ ઇમારતનું મૂલ્ય 2.70 બિલિયન US ડોલર છે.તે વિશ્વની છઠ્ઠી સૌથી મોટી હોટેલ છે. આ હોટેલ 615 એકર વિસ્તારમાં ફેલાયેલી છે. રિસોર્ટમાં 2,716 રૂમ છે. અહીં એક મોટો કેસિનો પણ છે.
8.વેનેટીયન મકાઉ, મકાઉ, ચીન: આ ઇમારતનું મૂલ્ય 2.40 બિલિયન US ડોલર છે.આ રિસોર્ટ 28 ઓગસ્ટ, 2007ના રોજ ખોલવામાં આવ્યો હતો. અહીં વિશ્વનો સૌથી મોટો કેસિનો છે. 1,05,00,000 ચોરસ ફૂટમાં ફેલાયેલ આ કેસિનો વિશ્વની સાતમી સૌથી મોટી ઇમારત અને એશિયાની સૌથી મોટી સિંગલ સ્ટ્રક્ચર હોટેલ છે. આ કેસિનોમાં 39 માળ અને 3,000 રૂમ છે.
9. સિટી ઓફ ડ્રીમ્સ, મકાઉ, ચીન: આ કેસિનો-હોટેલ 2009માં ખોલવામાં આવી હતી. આ ઇમારતનું મૂલ્ય 2.40 બિલિયન US ડોલર છે.અહીં તમને દરેક પ્રકારનું મનોરંજન મળશે. આ હોટલમાં 37 માળ છે. ત્યાં 1,514 ગેમિંગ મશીન અને 450 ગેમિંગ ટેબલ છે.
10. પ્રિન્સેસ ટાવર, દુબઈ, સંયુક્ત આરબ અમીરાત: મરીનામાં આવેલ 101 માળની ઇમારત છે. આ ઇમારતનું મૂલ્ય $2.17 બિલિયન US ડોલર છે.તેની ઊંચાઈ 413.4 મીટર છે. બુર્જ ખલીફા પછી તે દુબઈની બીજી સૌથી ઊંચી અને વિશ્વની 20મી સૌથી ઊંચી ઈમારત છે. આનું બાંધકામ 2006 માં શરૂ થયું હતું અને તેને પૂર્ણ થતાં છ વર્ષ લાગ્યાં હતાં.
