પ્રિય ઓજસ જી,
ચિંતા ન કરો....બસ થોડું ચિંતન કરવાની જરૂર હતી મારે..એટલે થોડો સમય મારા મિત્રની હોસ્પિટલ છે,ત્યાં ક્વાર્ટર માં રહેવા આવ્યો છું બસ....
મને એમ થયું કે થોડો સમય મારે મારી જાત સાથે વિતાવવાની જરૂર છે,એટલે આનાથી વધારે સારો ઉપાય ન હોય શકે.સમસ્યા સરળ થઈ જશે,પણ મારી આ સમસ્યા ના વિચારમાં તમે તો મને વિષય આપતા ભૂલી ગયા.કોઈ વાંધો નહિ.હું આપી દવુ.
આજનો વિષય પ્રેમ અને લગ્ન....
આ વિષય આપવાના બે કારણ છે...
એક તો હમણાં તમારા દીકરા અને દીકરીના લગ્ન છે તમે એ વધારે સારી રીતે ભાવનાઓમાં વ્યક્ત કરી સકશો. અને બીજું ખબર નહિ કદાચ એકપક્ષી હોય સકે પણ
હું તમને મિત્ર કરતાં વધારે માનવા લાગ્યો છું. પ્રેમ...નીખલસ પ્રેમ કેમકે આપણું ભવિષ્ય નિશ્ચિત જ છે...વર્તમાન નો આનંદ છે,પણ ક્યાં સુધી ટકશે તે નિશ્ચિત નથી.
પ્રેમ એટલે મારા મતે ગમતી લાગણી.... ગમતો ભાવ...
પ્રેમ એટલે...... , સ્નેહ,સમજ, સહકાર, સપોર્ટ,સમસંવેદન.....
પ્રેમ હોય તેના સાથમાં હળવાશ હોય,મુક્તિ હોય......
આજે મારા પ્રેમ વિશે પણ કહી જ દવ....
આનંદી...હા એજ આંનદી મારો પહેલો પ્રેમ..મારી પ્રેરણા..
મારી પ્રિયા....હા એજ કલ્પનાની પ્રિયા જેના કારણે આપણે મિત્રો બન્યા...
અમુક સંજોગોને લીધે અમે લગ્ન ન કરી શક્યા પણ તે હંમેશા મારી સાથે રહે છે કલ્પનાની જેમ...એટલે જ ઘણા મને તેના પ્રેમમાં પાગલ ગણે છે....
હવે આવી લગ્નની વાત...
મારી એક સુંદર પત્ની હતી...હા હતી ઍટલે કહું છું કારણકે તે ફ્કત સ્મૃતિ માં છે...
તમને હું પહેલાં કહેત કે તે નથી તો કદાચ તમે મારા પ્રત્યે સહાનુભૂતિ દાખવત જે મને n ગમત... બસ આ કારણથી ઘણું તમને પૂર્ણ રૂપે ન કહ્યુ... પ્રિયા એટલે કે આનંદી ની કલ્પના, પત્ની.. સ્વરૂપા.ની સ્મૃતિ અને તમે હા ઓજસ જી તમે મારો વર્તમાનનો પ્રેમ છો....જેનાથી મારું જીવન છલોછલ છે...ખુબ ખુશ....
તમારા પ્રેમ અને લગ્ન વિશેના વિચારો ની રાહ જોવું છું...
અને હા તમે મારા વિશે શી લાગણી અનુભવો તે ચોક્કસ પણે જણાવજો...જે ભાવ હસે તેને સહર્ષ સ્વીકારી લઈશ....
પ્રેમી આસવ.......
❣️ થોડી ઝાકળ મોકલ મને પત્ર માં સાથે ભીનાશ
તરબતર થઈ જશે તન, મન ને જીવન ની કુમાશ...❣️
પ્રિય મિત્ર આસવ જી,
પ્રેમ અને લગ્ન...........
આ બન્ને ભાવો ને સાથે વ્યક્ત કરું કે અલગ અલગ?
બધું એટલું એકરૂપ થયેલું છે કે અલગ મારાથી નહિ થઈ સકે....
પહેલાં તો અભિનંદન કેમકે ત્રણ પાત્રોમાં તમારો પ્રેમ વહેંચી શક્યા છો...હવે મને સમજાય છે કે ભાવોનું આટલું ઊંડું સંવેદન અનુભવ્યા સિવાય વ્યક્ત ન થઈ શકે.અને સાથે તમારામાં પાત્રતા છે કોઇના પ્રેમને સાચવવા ને ખીલવવાની... આનંદી તમારી કલ્પના,તમારી પ્રિયા...હું પ્રાર્થી કે આવતા જન્મમાં તમારો પ્રેમ લગ્નમાં પરિણમે.
તમારી પત્ની સ્વરૂપા...જે હવે તમારી સાથે જ તમારા શરીરમાં તમારી ભાવનાઓ અને તમારા સંતાનોમાં જીવંત સ્વરૃપે જીવે છે...
અને છેલ્લે હું આવી તમારા વિચારોમાં... ખરું ને?
મારી વાત કરું તો હું પહેલેથી લગ્ન પ્રેમમાં માનતી અને શ્રધ્ધા રાખતી.
મારા મત પ્રમાણે પ્રેમ લગ્નમાં કદાચ સુખ આભાસી હોય પણ જેની સાથે લગ્ન થાય તેની સાથે પ્રેમની શક્યતા વધી જાય છે.
હું નસીબદાર છું અક્ષત પણ મારા જેવી વિચારધારા ધરાવતા હતા...માટે હંમેશા અમે સાથે ચાલી શક્યા....
અને અમારા સમજણભર્યા પ્રેમનું પરિણામ એટલે મારા લાડકવાયા સંતાનો શ્રી અને સૂક્ત.....પણ ઘણીવાર આપણા સુખની નજર j આપણે લગાડી દઈએ...
દેખીતી રીતે એકપણ અધુરપ નથી પણ જ્યારથી બંનેના લગ્નનું નક્કી થયું ત્યારથી મને જાણે એમ લાગવા માંડ્યું કે હવે હું કઈ કામની નથી...બધી જવાબદારી નિભાવતા નિભાવતા હું પોતે પોતાની જાતને જ ભૂલી ગઈ.....મને એવું લાગવા માંડ્યું હવે બધા પોતપોતાના સંસારમાં આગળ નીકળી જસે અને હું એકલી ત્યાં જ રહી જઇશ...અક્ષત તો પોતાનું વર્તુળ બનાવીને ખુશ છે જ્યાં તેમના શોખ...તેમના મિત્રો...અને પોતાનો આનંદ છે....
હવે હું એમ ખુશ નથી રહી શકતી મારે પણ પોતાનો આનંદ શોધવો છે... પોતાના શોખને પંપાળવા ની ઈચ્છા છે....અને તે તમારા પ્રેમ ને કારણે શક્ય બનશે.....
તમારા પ્રેમનો હું 100% સ્વીકાર કરું...પણ તેને કોઈ નામ નહિ આપી સકુ....
હા જીવનનાં અંત સુધી આપણે આમજ એકબીજાનાં પ્રેમે પ્રેરણા પામસુ .....
અને એકવાર તો પત્ર નહિ તમને રૂબરૂ મળવાની ઈચ્છા છે.હું મારી છેલ્લી જવાબદારી સંતાનો ના લગ્ન પતાવી લવું પછી આપણે મળીએ....જ્યાં વિચારોનો વૈભવ માણીએ ખુલીને .. હળવાશમાં....
સંતોષી ઓજસ❣️
ઝાકળ મોકલું પ્રેમની,
સજાવશે સપનાઓ કિંમતી,
અમથા અમથા મળી ગયા,
દીપાવશે સંધ્યા જીવનની..❣️
