શ્વાસબુક
વિસ્તરવાની
વિસ્તરવાની પળ આવી ગઇ ,
સ્મરણવાની ક્ષણ આવી ગઇ .
માઇલોની દૂરી આપી ,
પસતાવાની પળ આવી ગઇ .
હૈયાના પાણી આંખો થી ,
છલકાવાની પળ આવી ગઇ .
આંખોમાં આખો મીલાવી ,
ધડકાવાની પળ આવી ગઇ .
પડદા પાછળ મુખ છુપાવી ,
મલકાવાની પળ આવી ગઇ.
બરફોના પહાડો પર જોડે ,
લપસાવાની પળ આવી ગઇ .
દિવસો સુધી જુદાઈ માં ,
તરસાવાની પળ આવી ગઇ .
સવપનોને હકીકતની સાથે .
સરખાવાની પળ આવી ગઇ.
યાદોને હૈયામાં રાખી ,
તડપાવાની પળ આવી ગઇ .
અજવાળી રાતે પડદાને ,
સળગાવાની પળ આવી ગઇ .
દરિયાને નદીની મીઠાશ ,
તરસાવાની પળ આવી ગઇ .
***
ઢાળેલી આંખો એ
પણ
આછું પાતળું
જોઇ લેવું
એટલે
પ્રેમ.
***
ચાર લીટી
પાનખરમાં પાનનું ખરવું એ ઘટના ના કહેવાય ,
ચાર લીટીની કવિતા ને તો રચના ના કહેવાય .
ઊંઘમાંથી જાગીને ઘબરાઇ જાઉ કેમ હું તો ,
જાગતા જોયેલા સપનાઓને સપના ના કહેવાય.
આખા જગને ચાહતા નિસ્વાર્થ ભાવે બોલો એમાં ,
પ્રેમનો સરવાળો જે કરતાં તે મમતા ના કહેવાય .
***
કવિતા
ચાલો કવિતા રમીએ ,
છંદો સાથે રમીએ .
ડૂબકી મારી ઊંડે ,
સાગર તટમાં ભમીએ.
વાત દિલની લખીને ,
ચૈન દિલનું હરીએ.
ગાઢ નીદરમાં પોઢી ,
સ્વપ્ન યુગમાં સરીએ.
હાથ માં હાથ પકડી ,
દુનિયા આખી ફરીએ.
***
આંગણું
આંગણું પણ રાહ જુએ છે ,
છોકરો દેશી વિદેશી થઇ ગ્યો .
ફળિયામાં યાદો રમે છે હજી ,
ગામનો ખેડૂત શ્રી થઇ ગ્યો .
ચાર આનાની સિગો ખાતો ,
ચાર ગાડીનો ધણી થઇ ગ્યો .
ગામની જે પાદરે રમતો ,
એ જગયાનૉ લાડકો થઇ ગ્યો .
શેરીઓમાં ઘૂમતો બેફિકર .
તે શહેરોનો સજન થઇ ગ્યો .
ગીલી દંડા રમતો આખો દી .
એ કરોડો પૂજતો થઇ ગ્યો .
***
પ્રેમ ગીત
હું અહીં છું તું ક્યાં છે સજન ,
જીંદગી મારી ક્યાં છે સજન .
લાગણી તારી ક્યાં છે સજન .
એક એ દિવસો હતાં ,
આપણે સાથે હતાં જયારે ,
આંખોમાં આંખો પરોવી ને
સામ સામે બેસતાં ,
નજરો એ મીઠી ક્યાં છે સજન .
દિવસે સાથે ફરવું ને ,
ચાંદની રાતે કલાકો સુધી
વાતો કરતાં બેસતાં
યાદમાં એ દિવસોની જીવશું .
વાતો એ પ્યારી ક્યાં છે સજન .
સાંભળ્યો પગનો અવાજ ,
એવું લાગ્યું કે તમે આવ્યાં ,
મીટ માંડી ઉભો છું દરવાજે હું ,
જલ્દી આવો વ્હાલા સાજન ,
યાદો મારી ક્યાં છે સજન .
***
વ્હાલ ના દરિયાના
વ્હાલ ના દરિયાના સરનામે લખો પત્ર ,
આંખ ના દરિયાના સરનામે લખો પત્ર .
દેશ દેશાવર ફરીને પાછો આવ્યો
યાદ ના દરિયાના સરનામે લખો પત્ર ,
પ્રાણવાયું જેમ વસતો લોહીમાં સખી
પ્રાણના દરિયાના સરનામે લખો પત્ર .
પુલ જયાં બાધ્યો હતો પ્રેમીઓઍ તે ,
રામ ના દરિયાના સરનામે લખો પત્ર .
પ્રેમ ની લાલીમાંથી ચમકે છે કાયમ ,
ગાલ ના દરિયાના સરનામે લખો પત્ર .
***
હાઇકુ
મૃત્યુ
એટલે
નવ જન્મ
તરફ વળાંક
***
હુંફ ના દરિયા
હુંફ ના દરિયા માં તરું છું ,
વાત કિનારાની કરું છું .
પાછલી પાટલીએ બેસી ,
ચોકડી ચોકડી રમું છું .
કોઈ અંગત મળે તો સારું ,
વાત દિલમાં લઈ ફરું છું .
આવે કંટાળો પણ કરું શું ?
ઊધ માં ચૈન ને હરું છું .
***
ર્સ્પશનું ગીત
ર્સ્પશનું ગીત ગૂજે છે હૈયામાં ,
વાંસળી સૂર ફૂંકે છે હૈયામાં .
આંખમાં ઉગતાં રંગબેરંગી આ ,
સપનાઓ ચૈન ઢૂંઢે છે હૈયામાં .
ખાટી મીઠી તડપતી દિવસે રાતે ,
યાદના શૂળ ખૂંચે છે હૈયામાં .
બાગમાં ખીલતાં ગુલાબી રંગીન ,
વ્હાલના બીજ ખૂંપે છે હૈયામાં .
દુનિયામાં મા બનાવતા પહેલા ખુદા ,
વ્હાલ નો દરિયો મૂકે છે હૈયામાં .
યાદની મીઠી સી ટશર અંગોમાં ,
સાંજ ની વેળા ફૂટે છે હૈયામાં .
પ્રેમની મીઠી દોરીથી બંધાઇ ,
હીંચકા સાજન ઝૂલે છે હૈયામાં .
***
મોક્ષ
હું મને મારી ચિતા પર ભાળતો હતો ,
હાડ સાથે સખી આત્મા ગાળતો હતો .
ખુદ બળીને અમાસી રાતે હું ચુપચાપ
ઘોર અંધારામાં જગ અજવાળતો હતો.
સુખ ને દુઃખ તો આવતા જતા રહે .
જિંદગીની મુશ્કિલોને ખાળતો હતો .
પામવા મોક્ષ ને રાત દી સતત હું તો,
પાપ પુણ્ય હિસાબો સંભાળતો હતો .
જન્મ થી ઠાઠડી સુધી દુઃખ પામ્યો ,
દુઃખની પીડાને ખંજવાળતો હતો .
***
સ્વપ્ન
સ્વપ્ન માં સજી ધજી મળવા આવ હવે તું ,
પ્રેમ ની ક્ષણો માણવા આવ હવે તું .
દુરથી ઈશારા બ હુ કરી ચૂક્યાં તે ,
હૈયા ના ચૈન ને હરવા આવ હવે તું .
અષાઢી ઘનઘોર વાદળો ઘેરાયા છે.
આંખ માંથી સ્નેહ સારવા આવ હવે તું.
***
પાનખર માં ગુલાબ ઝૂલે છે ,
પાંદડી હળવે હળવે ખીલે છે .
બાગમાં માલિની ગેરહાજરી કાયમ સતાવે મને ,
કાંટા ઓની આ જમાત હસાવે છે.
રંગ બેરંગી પતંગી યા ઉડાઉડ કરે છે અહીં તહી ,
પ્રેમ રસ ચૂસીને રમાડે છે .
***
પાયલ
સ્પર્શ માં મીઠો ધડકાર છે કે નહી ?
પગની પાયલમાં ઝનકાર છે કે નહી ?
કોયલી ભર બપોરે ટહુકો કરે
સુરીલો તેમાં રણકાર છે કે નહી ?
શ્વાસ છેલ્લાં તો ધબકાર લાવે અહી ,
હાસ્ય ની આંખે ફનકાર છે કે નહી ?
***
પવનો
શીત પવનો દઝાડે ને ,
ઝંખના ઓ જગાડે મને .
ચુંટણી કેવી રીતે કરું ,
હસ્ત રેખા રમાડે મને .
ભર નીદ્રામાં સૂતેલી મૂગી
માંગણીઓ વિતાડે મને .
લાગણી ભર્યા મીઠા સખી
વ્હાલા સ્પર્શ અડાડે મને .
હૈયા ના ખીસ્સે સંતાડી ,
લાગણીઓ લગાડે મને .
***
દિલની વાતો
દિલની વાતો હું ક્યાં જ ઈ વ્યક્ત કરું ,
હૈયા નો ધગધગતો લાવા ક્યાં ભરું .
લાગણી ની આંધી ઉઠી મન માં છે
પ્રેમ વર્ષા વરસે છે એથી ડરું .
મેઘલી રાતે પ્રતીક્ષા કરતો તો ,
સાંજ વેળા ચૈન દિલ નું કાં હરું .
***
સ્પર્શ
સ્પર્શ હુંફાળો ગમે છે માનવીને ,
યુગોથી પૃથ્વી ખમે છે માનવીને .
વાદળી વરસી ને ચાલી જાય ને ,
દુનિયાનો ખુદા નમે છે માનવીને .
ચોપડીઓ ચાર વાંચી શીખી જુઓ ,
પ્રેમ ની ભાષા ગમે છે માનવીને .
દૂર જઈ શું ફાયદો કર્યો તમે ,
નેહ ભીના ઉર ગમે છે માનવીને .
***
સ્નેહ નું ગીત ગુંજે છે હૈયામાં ,
વાંસળી સૂર ફુંકે છે હૈયામાં ,
ઝંખનાની આ દોડ માં જીવવાનું ના ભૂલાય જો જો .
પ્રેમ સંબંધોને સખી સીવવાનું ના ભૂલાય જો જો .
દર્દ ઝીણું જો ઉપડે તો ખીજવાનું ના ભૂલાય જો જો ,
લાગણી ના આ તાંતણે પીંજવાનું ના ભૂલાય જો જો .
***
પ્રેમ ના ચાર શબ્દો
માનવી માનવી ને શું આપી શકે ?
પ્રેમ ના ચાર શબ્દો તે બોલી શકે ?
ખાવી બે રોટલી ને ઉધમા કરે ,
પેટમાં શું કશું તે પણ રાખી શકે ?
ચાર આંખો મળે ત્યારે કેમેય કરી ,
દિલના દરવાજા ને બંધ રાખી શકે ?
પેટની ભૂખ ઠારી શકે કોઈની
એટલી હામ હૈયામાં રાખી શકે ?
નેહ નીતરતી આંખો જો કાયમ રહે ,
એ કસમ આ જન્મ તે નિભાવી શકે ?
તર્ક ભૂલી બધા જીવન માં આગળ વધ ,
જીદગીનો મન પર બોજ રાખી શકે ?
***
