पुष्कर एक वनाधिकारी बाबांचा मुलगा आहे, जो दरवर्षी दिवाळी आणि मे महिन्यात आईसोबत जंगलात जातो. त्याला त्या जंगलातील अनुभवांची खूप उत्सुकता असते. यावर्षी, बाबांच्या बदल्यानंतर, चिंधी आजी त्यांच्यासाठी स्वयंपाक करायला येते आणि तिचा नातू गोलू जंगलात भेटतो. गोलू शाळेत जात नाही, त्यामुळे पुष्करला त्याच्याबरोबर संवाद साधण्यात थोडा अडचण येतो, पण दोघे खाणाखुणांनी संवाद साधू लागतात. पुष्कर आणि गोलू जंगलात एकत्र खेळतात, गोलू जंगलातील वनस्पती आणि प्राण्यांची माहिती देतो. पुष्करने आईकडून मोबाईल घेतला, ज्यामुळे तो जंगलातील गोष्टी टिपू शकतो. दोघे एकमेकांना त्यांच्या संस्कृतीबद्दल शिकवतात आणि काहीच दिवसांत त्यांची गट्टी बनते. एक दिवस, त्यांना झाडीत बसलेलं घुबडाचं पिलू दिसतं, ज्यामुळे त्यांचा अनुभव आणखी खास बनतो.
पुष्कर गोलू आणि घुबड
by Aaryaa Joshi 
in
Marathi Children Stories
Description
पुष्करचे बाबा वनाधिकारी होते. दरवर्षी सुट्टीत दिवाळीत आणि मे महिन्यात तो आईबरोबर जंगलात जात असे बाबांबरोबर रहायला. खूप आतुरतेने तो वाट पाहत असे त्या दिवसांची. बाबाबरोबर पहाटे झर्‍यावह जाणं,रात्रीच्या अंधारात घराच्या अंगणातून बाहेर पडून घुबडांचे आवाज ऐकणं! मे महिन्याच्या शेवटी पावसाळ्याच्या आधी काजव्यांनी चमचमणारी झाडं डोळे भरुन पाहणं असं खूप खूप काही... आई खूप सारा वेगवेगळा खाऊ सोबत नेत असे.जंगलात फारसं काही मिळत नसे आणि काही हवं असेल तर बाबा जीपने जवळच्या गावात जातील तेव्हा कुणा बरोबरतरी पिशव्या भरून पाठवत असत. अगदी फोनसुद्धा तिथे लागायचा नाही.त्यामुळे पुष्करला दोन्ही आजोबा आजींची आठवण आली तरी त्यांच्याशी गप्पा मारण्यासाठी खूप वाट पहावी लागे.मात्र