માત્ર આવડત ની વાત છે નૌકા ને પાર કરવી ...
અને પ્રતિકાર ની વાત છે , ક્યારે નકાર ભણવી .
એક ને માનો તો પણ સાગર ઉતરી જશો ...
શ્રદ્ધા ને સ્વમાન વચ્ચે એક લિટી જરૂર તાણવી .
તારે છાપરે પણ છે ઓછાયો સુરજ નો , જો જરા..
બારી ની બહાર પણ દુનિયા છે , એને માણવી .
દેશે સ્વર્ગ - અપ્સરા - સોમરસ ના પ્રલોભનો અહિં..
પણ તારી હુંડી ની આબરુ ને કિંમત તારે જ આંકવી.
તું કેવો છે - તું કેટલો છે , એની વહી નથી રાખતો એ ..
પણ તું કોણ છે, બસ એટલી જ તારે નજર રાખવી .
વેદો પુરાણો નિચોડ છે અલગારીઓ ના અનુભવ નો..
સજગતા અને સહજતા ને જ આખરી નિતી જાણવી.
