તારી હો વેદના તે સહન થઈ શકે ભલા,
એ વેદના જ નહોતી અમે જે ખમી ગયા;
આ સૌને પ્રેમ કરવાને લીધો તો મેં જનમ,
વચમાં તમે જરાક વધારે ગમી ગયા.
– મરીઝ
*
કહું કેમ, મુજને ગમો છો તમે,
દિવસ રાત દિલમાં રમો છો તમે !
વિચારોમાં મારા સદાયે વસો,
છતાંયે કદી ક્યાં મળો છો તમે.
સ્મરણ બસ તમારું કરું રાત દિન,
નયનના ઝરુખે રહો છો તમે.
ગુન્હો ચાહવાનો કર્યો છે હવે,
સજા જોઇએ શું કરો છો તમે.
હૃદય પર મુકી હાથ સાચુ કહો,
કદી યાદ મુજને કરો છો તમે ?
