કેટલો સરસ છે તુૃં !
એકદમ કહ્યાગરો !
કાગડોળે રાહ જોતો હોય
એમ તરત પ્રવેશી ગયો
આમલીનાં પાંદડાંની માફક
વરસી પડ્યો
ને ભીંજવી દીધી મને ધરાર
તોય,
તોય દેહના એકે અંગમાં
ક્યાંય, કશી ભીનાશ ન ઉમટી.
કોઈ સ્પંદન ન ઉઠ્યું.
કશા આવેગનું ઝરણું ન છૂટયું.
ન કંઈ ફરક્યું
ન કંઈ રમમાણ થયું.
આંખ ઊઘડતાં જ તારું
તેજમાં ભળી જવું
વિપળ પૂરતુંય
ન ખટક્યું.
ચાખીને ન ચખાયાની આ અનુભૂતિ જ તો
દેન છે
આપણાં
એકબીજાનાં હોવાની...
#અનુ_મિતા
