ચા વિનાનો દિવસ જાણે કે...
ચાહતની ચૂસકી વગરનો ફિક્કો અને ફાજલ દિવસ. તેના પ્રત્યેની ચાહતને કારણે જ હું તેને ' ચ્હા ' તરીકે સંબોધવાનું વધુ પસંદ કરું.
આ એક અક્ષરનાં શબ્દનું એકચક્રી વર્ચસ્વ લગભગ દરેક વ્યક્તિના જીવનમાં નિર્વિકલ્પ અને નિર્વિવાદ રહ્યું છે.
કદાચ એટલેજ વ્યક્તિને બીજાં કોઈ પણ ગરમ પીણાંની નહીં, ચ્હાની જ તલબ લાગે. ચ્હા એક શબ્દમાત્રથી મટીને, એક રૂપક (મેટાફર) બન્યો છે.
ચા એટલે..." લાગણીનો એ કોળિયો જે ગમે તેટલી વાર મૂકો, એનો અહેસાસ પહેલાં કોળિયા જેટલો જ બલકે એનાંથી પણ ચઢિયાતો હોય "
- પંકિલ દેસાઈ
