બદને
મોગરાની મહેક વળગી છે એના બદને,
શું ઉપવનમાં વળગીને આવ્યાં છે મોગરાના બદને ?
હાથની વેલ જ્યા લપેટાઈ મારા બદને,
પ્રસરી મહેક મોગરાની મારાય આખા બદને.
શીતળ ચાંદની ઘેરી વળી ચોગમ ધરાને,
બહેંકી ગયો જ્યાં થયો એ કોમળ સ્પર્શ બદને.
ગૂંજન કરતાં ભમરા ને ટમટમતાં આગિયા,
પ્રેમરસ છવાયો એમ કંઈક અમારા આ બદને.
અસર છે એના સ્પર્શની કે પ્રકૃતિની 'નિર'?
અંગેઅંગ રંગ છવાયો નવીન કંઈક આ બદને.
- નિરત જોષી ' નિર '