ન બાંધો મને સાંકળોના બંધનમાં……
મકવાણા રાહુલ.એચ
“રણકાર”
ન બાંધો મને સાંકળોનાં બંધનમાં,
મુક્તિનો ચાહક છું, હું
બાંધો મને પ્રેમના બંધનમાં…..
ન બનાવો મને કેદ બંધ એક ઓરડામાં,
ઉડવાનો ઉમંગ છે મને,
ઉડવા દો મને ઉચ્ચ ગગનમાં,
ન બાંધો મને સાંકળોના બંધનમાં…….
ન દેખાડો મને સ્વાર્થી પ્રેમ,
સાચાં પ્રેમનો ભૂખ્યો છું હું,
ડૂબવા દો મને પ્રેમ તણા સાગરમાં,
ન બાંધો મને સાંકળોના બંધનમાં……
ન આપો મને સંગાથ ક્ષણિક,
જોઈએ મારે સંગાથ જીવનભરનો,
ઝંખવા દો મને જીવનભરનો સંગાથ,
ન બાંધો મને સાંકળોના બંધનમાં……
ઝુકાવી દઈશ માથું મારું, સાચા પ્રેમમાં,
ગમતી નથી નફરત મને કોઈની,
કરી છૂટીશ મારાથી બનતું સાચી પ્રિતમાં,
ન બાંધો મને સાંકળોના બંધનમાં……
મકવાણા રાહુલ.એચ
“રણકાર”
