રણજી ટ્રોફી 🏏 🏆
ભારતમાં પહેલી ક્રિકેટ મેચ યોજાયાનું વર્ષ ૧૭૨૧ હતું.
ઇસ્ટ ઇન્ડિઆ કંપનીના નોકરિયાતો વિરુદ્ધ બ્રિટિશ વહાણોના નાવિકોની ખંભાતમાં રમાયેલી તે મેચ વિશે ખાસ માહિતી પ્રકાશમાં આવી નહિ. અંગ્રેજોની
રમત ધીમે ધીમે આપણે ત્યાં જમાવટ કરવા લાગી.
૧૯૩૪માં પહેલીવાર રાજ્યોની તથા પ્રાંતોની
ટીમો વચ્ચે ક્રિકેટની વાર્ષિક સ્પર્ધા યોજવાનું
અને તેમાં વિજેતા ટીમને વેલિંગ્ડન ટ્રોફી આપવાનું
નક્કી થયું. વાઇસરૉય લોર્ડ વેલિંગ્ટનના નામે ઓળખાતી
તે ટ્રોફી તૈયાર થયા પછી ક્રિકેટ કન્ટ્રોલ બોર્ડ
વર્તમાનપત્રોમાં તેના વિશે પ્રેસ રિપોર્ટ સાથે ફોટા પણ
છપાવ્યા. બીજે વર્ષે ક્વાર્ટર ફાઇનલથી શરૂ કરીને ફાઇનલ સુધી જે મુકાબલાઓ યોજાયા તેમાં મુંબઇની ટીમ વિજેતાબની. ટીમના સુકાની વજીફદારને ટ્રોફી એનાયત કરવામાં આવી ત્યારે એ પારસી સુકાનીએ જોયું કે તેમને મળી તે વેલિંગ્ડન ટ્રોફી ન હતી. બીજી હતી. રણજી ટ્રોફી હતી, જે પતિઆલાના મહારાજા ભૂપિન્દરસિંહ પ૦૦ પાઉન્ડના ખર્ચે તૈયાર કરાવી હતી. જામસાહેબ રણજીતસિંહ સાથે તેમને ગાઢ મૈત્રી હતી એટલું જ નહિ, પણ રણજીતસિંહને તેઓ જગતના શ્રેષ્ઠ
બેટ્સમેન માનતા હતા. ક્રિકેટની રાષ્ટ્રીય ચેમ્પિયનશિપ સાથે તેમનું નામ જોડાય એવો મહારાજા ભુપિન્દરસિંહનો મનસૂબો
હતો. લોર્ડ વેલિંગ્ટનનું પત્તું કાપી શકાય તેમ નહોતું, પણ ૧૯૩૪માં વેલિંગ્ડન સ્વદેશ ગયો ત્યારે ભુપિન્દરસિંહે તક ઝડપી
લીધી. માર્ચ ૯-૧૨, ૧૯૩૫ની ફાઇનલ રણજી મેચની બીજી ઇનિંગ્સમાં મુંબઇના કેપ્ટન અને ફાસ્ટ બોલર કેપ્ટન હોર્મસજી
વજીફદારે પ્રતિસ્પર્ધી ઉત્તર ભારતના ૮ બેટ્સમેનોને આઉટ કર્યા હતા. રણજીતસિંહની યાદમાં અપાયેલી તે પહેલી ટ્રોફી હતી.
https://www.facebook.com/share/p/15v2AbiykV/
