'ભરોસો'
તું જ કહેને, ફરી ક્યારે મળીશું આપણે?
મળીશું ને થશું એકરૂપ ક્યારે કોણ જાણે
ભલે અત્યારે આપણે અળગા છીએ
આ તન્હાઈમાંથી એક દિવસ તો એક થઈએ
વસવાટ છે તારો હૈયે મારે ને કાયમ હશે
અકબંધ સ્નેહ આપણો નિશદિન રહેશે
આવું છું કહીને ગઈ છો મૂકી સથવારો
તું આવીશ જરૂર એ વિશ્વાસ છે મારો
જિંદગી મારી આ તારા વિના છે સુની
તું આવીશ દિલમાં એ ઉમ્મીદ છે પૂરી
દૂર જવાથી કંઈ પ્રેમ થાય ઓછો ?
આપણે ફરી મળીશું મને છે ભરોસો