#નવા દુઃખો
હું ૩૨ વર્ષના અનુભવ વાળી ૧૬ વર્ષ ની રમણી છું. નાની ઉંમરે મારે ખૂબ દુઃખો છે. કહેવાય છે કે દુઃખ વહેંચવાથી ઘટે.. એટલે આજ થી રોજ અંતરંગ મિત્રો સાથે શૅર કરીશ.
૧. ગઈ કાલે બધા ને મતદાન માં કોઈ લાઈન વગર નંબર આવી ગયો. મારે એક કલાક ઊભા રહેવું પડ્યું. ભવિષ્ય માં ઓનલાઇન થાય તો સારું. ઘરે આવી ને કરાઈ જાય તો એથી પણ સારું.
૨. પેલી નવી નિશાળિયા બહેને એક ટપકું કરવા ને બદલે મારી આખો નખ રંગી નાખ્યો.. હવે કાળા રંગ ની નૈલ પોલિશ લઈ ને બધા નખે કરવી પડશે.
૩. મારા ઘર ની કોઈ વ્યક્તિ ને મારા કવોટ વંચાવી નથી શકતી. જોડે માથા ના દુખાવા ની ગોળી માંગે છે..
૪. રાત પડયે બસ,આઇ પી એલ ની મેચો !! કોઈ મને ફ્રી હિટ શું એ સમજાવતું ય નથી.. સીરિયલ માં બધું ત્રણ ત્રણ વાર હોય એટલે સમજાઈ જાય..
ખૂબ ખૂબ આભાર. રડતાં નહીં પ્લીઝ. સુખ દુઃખ છે , ચાલ્યા કરે..જો કે મારે હમણાં દુઃખ દુઃખ જ છે..દોડ્યા કરે છે ..