मधू आणि मालती दोघे बहीणभाऊ होते आणि त्यांच्यातील प्रेम अतिशय गाढ होते. त्यांचे कुटुंब श्रीमंत होते, परंतु मधूच्या वडिलांच्या आणि नंतर आईच्या मृत्यूमुळे त्याचा जीवनात मोठा बदल झाला. मधू एकटा राहिला आणि तो अनेक फसवणुकीचा शिकार झाला, परिणामी तो भिकारी झाला आणि त्याची संपत्ती हरवली. त्याला आपल्या बहिणीकडे जाण्याची इच्छा होती, परंतु त्याच्या स्वाभिमानामुळे तो धजत नव्हता. शेवटी, त्याने बहिणीकडे जाण्याचा निर्णय घेतला, परंतु त्याला भिकाऱ्यासारखी वागणूक मिळाली. मधूने दु:ख सहन केले आणि नंतर दूर देशात राजाच्या नोकर म्हणून काम केले. त्याच्या बुद्धीमत्तेमुळे राजाने त्याला मुख्य प्रधान बनवले, आणि मधूने पुनः संपत्ती मिळवली आणि विवाह केला. आता तो आपल्या बहिणीला भेटण्यासाठी निघाला आहे.
सोनसाखळी - 1
by Sane Guruji 
in
Marathi Moral Stories
Description
मधू व मालती दोघे बहीणभाऊ. त्यांचे एकमेकांवर फार प्रेम. घरात अलोट संपत्ती होती. कशाची वाण नव्हती. आईबाप मधू-मालतीचे सारे लाड पुरवीत. मधू घोड्यावर बसायला शिके. त्याचा एक छानदार घोडा होता. मालतीचे लग्न झाले. एका जहागीरदाराच्या घरी तिला देण्यात आले. माहेरच्यापेक्षाही मालतीचे सासर श्रीमंत होते. मधूही आता मोठा झाला होता. त्याचे अद्याप लग्न झाले नव्हते. परंतु एकाएकी त्याचे वडील वारले. वडील वारले व थोड्या दिवसांनी आई पण वारली. मधू एकटा राहिला. मालती चार दिवस माहेरी आली होती. परंतु पुन्हा सासरी गेली. सारा कारभार मधूच्या अंगावर पडला. परंतु त्याला अनेकांनी फसविले. एकदा त्याने मोठा व्यापार केला, परंतु त्यात तो बुडाला. मधू भिकारी झाला. त्याची शेतीवाडी जप्त झाली. घरादारांचा लिलाव झाला. सुखात वाढलेला मधू, त्याला वाईट दिवस आले. ज्याच्याकडे शेकडो लोक जेवत त्याला अन्न मिळेना. जो गाद्यागिर्द्यावर झोपायचा, त्याला रस्त्यावर निजावे लागे. ज्या मधूला हजारो लोक पूर्वी हात जोडत, तोच आज सर्वांसमोर हात पसरीत होता. मधूला वाटले आपल्या बहिणीकडे जावे.
Novels