#કેન્સર ભાગ 9 ઈમ્યુનોથેરાપી – શ્વાસ અને વિશ્વાસની આખરી લડાઈ​હોસ્પિટલના કોરિડોરમાં ફેલાયેલી ફિનાઈલની ગંધ હવે જીવિકાના શ્વાસનો હિસ્સો બની ગઈ હતી. PET Scan ના રિપોર્ટે જે 'Hotspot' બતાવ્યો હતો, તે માત્ર ફેફસાંમાં કેન્સરનો ફેલાવો નહોતો, પણ આખા પરિવારના હૃદય પર પડેલો ઘા હતો. સ્ટેજ-૪ (Metastasis) – આ એ શબ્દ છે જે સાંભળતા જ મધ્યમવર્ગીય પરિવારોના પગ નીચેથી જમીન સરકી જાય છે. પણ આ વખતે લડાઈમાં આશા અને દીપક રૂપી બે નવા સેનાપતિઓ જોડાયા હતા.​સંબંધોની નવી વ્યાખ્યા: પિયર અને સાસરીનો સંગમ​ડૉ. જીવન શાહની કેબિનની બહાર જીવિકાના ભાભી રડી રહ્યા હતા. પિયર પક્ષ માટે જીવિકા માત્ર એક નણંદ નહોતી, પણ ઘરની લક્ષ્મી હતી.