હું 'અપશબ્દ' છું: મનુષ્યના સંસ્કારોનું પોસ્ટમોર્ટમલેખિકા Mansi Desai Desai Mansi Shastri મારો કોઈ જન્મતિથિ નથી, મારો કોઈ જન્માક્ષર નથી. મારો જન્મ ત્યારે થાય છે જ્યારે મનુષ્યની સભ્યતાના તમામ સૂર્ય અસ્ત પામે છે અને તેના મનમાં અંધકારનું સામ્રાજ્ય સ્થપાય છે. હું એ ક્ષણે પ્રગટ થાઉં છું જ્યારે માણસની જીભ પરથી વિવેકનું વસ્ત્ર ઉતરી જાય છે અને તેની અંદર છુપાયેલો આદિમ પશુ નગ્ન થઈને બહાર આવે છે.​હું પરાજયની ઓળખ છું​તમે મને 'શક્તિ' માનો છો? ભૂલ કરો છો. હું શક્તિ નથી, હું તો મનુષ્યની 'હાર'નું પ્રતીક છું. જ્યારે માણસની દલીલો થાકી જાય, જ્યારે તેની તર્કશક્તિ અપંગ બની જાય અને જ્યારે તે સામેવાળી વ્યક્તિને પ્રેમ કે સમજાવટથી જીતી