"મંજિલ ને પામવા, મહેનત અમે કરી. અડચણોને અવગણી નવીન કેડી કોતરી. ખબર ક્યાં હતી મંજિલ મળ્યાં પછી  કે આવશે ખતરાઓ અખતરાં કર્યાં પછી."   - મૃગતૃષ્ણા  _____________________   ૨૧. પસંદગી અને પડકાર   સર્પ-હૃદયે ધબકવાનું બંધ કર્યું એ ક્ષણ એવી હતી જાણે સમગ્ર પર્વતનો શ્વાસ રોકાઈ ગયો હોય. આખા ખંડમાં છવાયેલી મૃત્યુ જેવી શાંતિમાં, સાહસના અનાયાસે લંબાવેલા હાથ તરફ ધીમે ધીમે નીચે આવતું સર્પ-હૃદય એકમાત્ર ગતિમાન વસ્તુ હતી. આદિત્ય, સંધ્યા અને શેર સિંહ સ્તબ્ધ થઈને આ અવિશ્વસનીય દ્રશ્ય જોઈ રહ્યા.   સર્પ-હૃદય, જે તેમના જીવનનું લક્ષ્ય હતું, તેણે આદિત્ય, એક અનુભવી પુરાતત્વવિદ્, કે સંધ્યા, એક જ્ઞાની લિપિશાસ્ત્રી, ને બદલે સાહસને