કૈલાસના રહસ્યો : એક રોમાંચક સફરખંડ – ૧ પ્રકરણ ૪: પાગલપન કે પરમજ્ઞાન?બ્રહ્માંડનો નકશો: જૂની દોસ્તી, નવો સંઘર્ષશનિવારની સાંજ. સુરતનું અડાજણ વિસ્તાર જાણે કોઈ મેળામાં ફેરવાઈ ગયું હતું. લોકોના ટોળા, લારીઓ પર વાગતા ગીતો અને વાહનોના હોર્નનો અવાજ—આ બધું સામાન્ય દિવસોમાં મને જીવંત લાગતું, પણ આજે મારા મનમાં જે વાવાઝોડું ફૂંકાઈ રહ્યું હતું તેની સામે બહારનો આ બધો કોલાહલ સાવ બેસૂરો હતો. સોમવારે ચિરાગના ચિત્રની ઘટના પછીના પાંચ દિવસ મેં જાણે કોઈ ઘેનમાં, કોઈ અવાસ્તવિક દુનિયામાં વિતાવ્યા હતા. સ્કૂલના ક્લાસરૂમમાં હું ભૌતિક રીતે હાજર હતો, બોર્ડ પર સમીકરણો લખતો હતો, પણ મારું મન હિમાલયની કોઈ ગુફામાં ગણતરીઓ માંડી રહ્યું હતું. મારે