"જિંદગી તારી થપાટોનો સષાટો ક્યાંક દુઃખ ભર્યો તો ક્યાંક સુખરૂપ,રોમાંચક તો ખરી જ તું અને પાછી  બહુરૂપ."- મૃગતૃષ્ણા _____________________૪. ડાયરીનું રહસ્યસૅમે ધ્રુજતા હાથે ડાયરીનું પહેલું પાનું ખોલ્યું. એના પિતા, આદિત્ય રૉયના સુઘડ અને મરોડદાર અક્ષરો એની નજર સામે ઉપસી આવ્યા. તારીખ આજથી લગભગ સત્તર વર્ષ પહેલાંની હતી. સૅમ ત્યારે માંડ આઠ વર્ષનો હશે. એણે વાંચવાનું શરૂ કર્યું, દરેક શબ્દ એના મનમાં ઊંડો ઉતરતો ગયો."પ્રિય ડાયરી, આજે ફરી એ જ સ્વપ્ન... એ જ પોકાર. હવે તો જાણે એ મારા અસ્તિત્વનો એક ભાગ બની ગયો છે. ઓરોબોરોસનું પ્રતીક મને ઘેરી વળે છે, અને કોઈક અજાણી શક્તિ મને ખેંચી રહી છે. પપ્પા (વ્યોમ રૉય)