અલખની ડાયરીનું રહસ્ય-રાકેશ ઠક્કરપ્રકરણ ૯         અદ્વિકની યાદશક્તિ જતી રહી હતી. તે બેભાન થઈને જમીન પર પડ્યો. મગન આ જોઈને ગભરાઈ ગયો. તેણે અદ્વિકને હલાવ્યો અને તેને બોલાવવાનો પ્રયાસ કર્યો. "અદ્વિક! તમે ઠીક છો? તમને શું થયું છે?"         અદ્વિકે ધીમે ધીમે આંખો ખોલી. તેની નજર શૂન્ય હતી, અને તેના ચહેરા પર કોઈ ભાવ નહોતો. તે ધીમા અવાજે બોલ્યો, "હું કોણ છું? આ જગ્યા ક્યાં છે?"         મગનનું હૃદય થીજી ગયું. તેણે અદ્વિકને બધું યાદ કરાવવાનો પ્રયાસ કર્યો. તેણે ડાયરી હાથમાં લીધી અને કહ્યું, "આ ડાયરીમાં તમારું જીવન લખેલું છે. તમે અલખને શોધી રહ્યા