એક માતાપિતા ત્યારેજ માવતર હોવાનો સાચો અનુભવ કરી શકે જ્યારે સંતાનો તેને ઇતર ન ગણતા અંગત ગણે.પરંતુ આ પબજીના યુગ માં ગીતાજીના પાઠ સમજવાનો કોઈ પાસે સમય જ કયાં? યંત્રવત જીવન માં લાઈફ સ્ટાઇલને વઘુ જાજરમાન બનાવવાના પ્રયત્નોની રેસમાં ઘરનુ જીવંત રાચરચીલુ ગણાતા માવતર ઘરના એક ખુણામાં શોપીસ તરીકે રાખવામાં આવેલી ફુલ વિહોણી ફુલદાનીની જેમ દિવાળીમાં દર વખતે જુદા કાઢવામાં આવતા પરંતુ ક્યારેક કામ આવશે તેવા વિચારથી ફરી ઘરમાં પ્રવેશ આપવામાં આવતો હોય તેવા સામાનની જેમ ફક્ત સંઘરાયેલા પડ્યા હોય છે.