ઈબ્રાહીમ કાસકર મુંબઈ પોલીસમાં જોડાયા પછી ઉપરીઓનો વિશ્વાસ સંપાદિત કરીને હૅડ કોન્સ્ટેબલ બની ચૂક્યો હતો. એની પહેલા મુંબઈ રહેવા આવી ગયેલા અને નાનો-મોટો ધંધો કરતા એના મોટાભાઈ અહમદ કાસકર કરતા ઈબ્રાહીમને મુંબઈ વધુ ફળ્યું હતું. જો કે ઈબ્રાહીમ કાસકર પાસે બહુ પૈસા જમા નહોતા થઇ ગયા, પણ એણે ઘણા સંબધો વિકસાવ્યા હતા. પોતાનો ભાઈ પોલીસમાં છે એવું કહીને અહમદ કાસકર પણ ગૌરવની લાગણી અનુભવતા હતા.