જુવો ને આજ હું નવી રીત લઇ આવ્યો છું ,
ગુલાબ ને હું ગુલાબ ના બાગ સામે લાવ્યો છું .
તારા થી સુંદર ગુલાબ હોત તો ચોક્કસ આપત ,
મન મંદિર ના ગુલાબ માટે ખાલી ડાળી લાવ્યો છું .
સ્વીકાર થશે કે કેમ આવી કોઈ આશા વગર જ
ગુલાબ ની દાંડી પર તને બેસાડી ,તને જ આપવા લાવ્યો છું.
બે ઘડી પણ કાફી છે મારા ગુલાબ ને નીરખી ને જોવા ,
પછી અનંત ગુલાબી ખુશ્બૂ તારા ચરણો પર લાવ્યો છું.
ખબર હશે છોડ ના ગુલાબ ને કે સાંજે કરમાઈ જઈશ,
હું તો લાગણી ના ગુલાબ ને પાણી પાવા લાવ્યો છું .
સોડમ થી લઇ ને સત્કાર ની સુવાસ સુધી ખીલતું રહે આપો આપ,
અવની ના હૃદય માં ખીલેલું ગુલાબ બની ને લાવ્યો છું.