દેશપ્રેમની દાઝ દિલમાં રાખતાં , ભારતના એ વીર સંતાન,
દુશ્મનો સામે યુધ્ધમાં , નિભાવવા આપે વચન ભારતભૂમિના.
બની જાઉં હું છું ભારત વીર પુત્ર, ભારતના એ વીર સંતાન,
ગરમી ઠંડી ટાઢ તડકો , શું ફીકર સંતાન ભારતભૂમિના.
પહોંચી જાઉં સરહદે માભોમની, ભારતના એ વીર સંતાન,
કરવા રક્ષા માતૃભૂમિની, દોડું દુશ્મનો સામે ભારતભૂમિના.
આંખોમાં ભરી દેશપ્રેમની અગ્નિ , ભારતના એ વીર સંતાન,
સોગંધ છે આવે જો મોત,હસતાં મોંએ આપીશ ભારતભૂમિના.
સામી છાતીએ પોતે લડતાં-મરતાં, ભારતના એ વીર સંતાન,
ફના થૈ પોતે આપે સુરક્ષા, સંતાનોને જન્મે જે ભારતભૂમિના.
રાખે આન-શાન રાષ્ટ્ર તિરંગાની, ભારતના એ વીર સંતાન,
બાથ ભીડવા ઊભા સરહદે, પડે જો હાકલ ભારતભૂમિના.
ગર્વ છે એ શહીદ વીર જવાનો, ભારતના એ વીર સંતાન,
સલામ સાથે પ્રણામ આપવા રક્ષા ઊભા ખોળે ભારતભૂમિના.
દિપ્તી પટેલ "શ્રીકૃપા"
